MAJBUT RROMNJA ANDO PROCESO PALO ANDIPE E ČHINADIMASKO
0
Vakti: 1 min.
Projekto “Ciknjaripe e bijekhimasko e Rromnjengo” savo e opština Bačka palanka nakhavel ande kooperacija e Ćidimova „Čarain“ thaj Maškarimova palo socijalno bući Sombor, nakhadol katar 04. septembri 2019. brš thaj trajila džiko 03. novembri kale bršesko.
Foto: O.V,
Nakhadol trujal o ažutipe e Sajekhutne konferencijako katar e foruja thaj lokalne korkoroorrtuimata (SKGO), trujal o ažutimasko Programo Evropaće unijako pale inkluzija e Rromenđi – Zurjaripe lokalne ćidimatengo pale inkluzija e Rromenđi.
Sasto projekto mol 52.858,00 evruja, katar savo e donacija katar EU inkljel 47.122,91 evro. Jekh katar fundome kamimata e projektosko thaj lokalne korkoroorrtuimasko si te avel majbut Rromnja ando proceso palo andipe e čhinadimasko po lokalno niveli thaj te pala godova zurjavon lenđe kapacitetuja palo čhutipe ande mehanizmuja palo andipe e čhinadimasko.
Foto: O.V.
Gajda barjola lengo therdipe manušikane orrtengo, sar vi linipe šajimašće mehanizmonengo palo bijandimasko jekhipe thaj araćhipe katar maripe opral e rromnja kano ćidipe, fokuso po bijiandimasko jekhipe thaj haravipe e marimasko opral e rromnja, zurjaripe e tehnikane thaj manušikane kapacitetonengo palo aktivno čhutipe e Rromnjengo.
EU ažutipe si nakhadi trujal e kooperacija amare Gavermentova, a dine majbut buhljarimašće love de sa aver maškarthemutne donatorja ketane.
O.V.