MAJA JOVANOVIĆ - AMBASADORKA RROMANE KULTURAKO THAJ LILARIMASKO
0
Vakti: 2 min.
Ande biš brš lilarimašće bućako e Maja Jovanović ramosarrda but đilja pale čhavorra thaj kamlimašće đilja, a lako lilaripe čhutino si ande štar korkorrutne ćidine lila thaj ande biš ćidine lila palo lilaripe. Majanglal biš brš bućarrdili ande FS “Vuk Karadžić” ande Deronje ande savi vi ađes ćerel sar sikavni pale Rromani čhib e elementonenca rromane nacionalne kulturako thaj sar pedagogikano asistento, a ande bući e čhavorrenca malada vi nevi inspiracija palo ramosarda.
Foto: Nacionalni savet Roma
Fundošći sikavni „Vuk Karadžić“ dijem gata ande Deronje, ande savi sem akana bućarrdi sar pedagogikani asistenkinja thaj sar sikavni rromane čhibjako e elementonenca nacionalne kulturako. E Gimnazija „Jovan Jovanović Zmaj“ dijem gata ande Odžakuja. Majanglal kava akharipe semas studentkinja po Orrtalo fakulteto ando Novi Sad thaj ćeravas sar uredniko thaj voditelji emisijako pe rromani čhib po radio D65 ande Deronje thaj ćeravas detharinaći programošći šena pandž brš. Semas aktivno membro KPDR Romano suno ande Deronje ande nekobor sekcije save inđarelas mungrro dad o Rajko.
Than pale sikavni rromane čhibjako dijama mungrro dad, savo majanglal godova ćerelas ande amari sikavni dešuduj brš thaj katar savo sićovas. Pe seminarja thaj sikavimata semas prekal e Matica rromani thaj Asocijacija rromane sikavnengo Vojvodinako, gajda kaj semas e dadešći, thaj teljarrni ko romologo Trifuno Dimić. Vrjama korkorro ćerrdem po mungrro vazdipe thaj aresipe e džanglimasko, đinavimava, rodimava thaj trujal e seminarja save ćerelas amari sikavni, Pokrajinako sekretarijato, Pedagogikano zavodo, ZUOV, CEREZ…Ando sićope sem pherrde dešutrin brš.
Vorrta trujal e bući e čhavorrenca sas maladino mungrro talent palo ramosaripe, kana das svato palo lilaripe pale čhavorra, gajda kaj si manđe e čhavorra bari thaj binakhlimašći inspiracija. Majbut ćerav e rromane čhavorrenca save aven andar e care. Filozofija palo haćaripe haćarrdol averčhande ando dićhipe pe čhavorra andar e gavutne trujalimata. Nakhavimava e vrjamako thaj sićope lenca ande sikavni
sinije, palem nakhavas mungrro lhavorrikanipe po gata, manđe, nevo kotor. Inđarenas man ande lengo them, sićovas lender, gndivas sar von, mothonas manđe pala lenđe buća thaj sune thaj gajda bijandilas e đili. Varekana sas manđe kazom trubulman jekh kotor po časo, te dikhavlen jal te čače ašunavlen, te ramosarav jal varekašće avili posvetime đili. Gajda, jećhe čhavorre sas pučhipe si čače biuže buća. Trujal o svato ramosarrdem e đili “Kreveto”, ande savo aven leste averčh ande, bičačune buća. Sa so si ramome pale čhavorra thaj buhle ramome pe rromani čhib, sikavel o rariteto thaj kapitali.
O Bendžamin Dizraeli mothoda: “Majbaro lačhipe savo šaj te ćeres pale vareko aver naj samo te ulaves ćiro barvalipe, no te malaves lesko”. Kamav sajekh manušešće te mothav te inćaren thaj araćhen pešći čhib, te inćaren pesko prago. Te losarrde te ćeren, te avel len pe gođi kaj talo devlesko opralipe si than pale savorra, te araćhen pesko kotor e opralimasko. Sajekh bući anela lenđe, o kamipe thaj ažućaripe te avel lenđe majbaro teljari masko kotor.