BUĆARIPE E RROMNJENGO ANDO SASTARIMASKO ĆHER AND SRBIJA
0
Vakti: 1 min.
Po bešipe ando than Inđija, savo si akharrdo pe inicijativa katar o šerutno pe opština sas vi o šerutno pale inkluzija e Rromenđi. Tema e bešimašći sas e integracija e rromenđi ande institucije po lokalosko niveli, majbut trujal e segmentuja palo bućaripe.
Foto: O.V.
Mothoda kaj si palo than Inđija but importantno themesko paćivalo dićhipe thaj dinipe zurale ažutimasko ande integracija terrne thaj sikad e Rromengo thaj Rromnjengo, save si ande kategorija phare bućarimašće manušengo.
Avutnipe pa kava bešipe paše manuša andar o bivladako sektori, lija vi o dr Jovo Komazec, šerutno po Sastarimasko ćher „dr Milorad Mika Pavlović“ ande Inđija, ulade dija svato palo bućaripe trin sastari- mašće bućarrne rromane manušengo.
O Nikolić lija kaja situacija te naisarrdol šerutne manušešće po than Inđija pe sa nakhade inicijative sar vazdasaspe o rromano trajo ande kava than, a ulade inkalda kazom si importantno o bućaripe rromane themesko ando Sastarimasko ćher thaj akharrda sa aver lokalošće dićhonpe pe kava primeri lačhe praksako.
O.V.