VAZDIPE SOCIJALNE INKLUZIJAKO MAJIMPORTANTNO SEGMENTO AKCIONE PLANOSKO PALE INTEGRACIJE E RROMENĐI
0
Vakti: 1 min.
Inkluzija e Rromenđi, ćerela e promocija e ramosarrde projektosko „Ažutipe e opštinenđe ando vazdipe socijalne inkluzijako rromane themesko“, trujal o Akciono plano pale 2019. i 2020. brš palo nakhavipe e Strategijako pale socijalno čhutipe e Rromengo thaj Rromnjengo ande Republika Srbija pale vrjama katar 2022. džike 2030. brš.
Foto: FCD
O projekto trubul te astarel deš majcrra buhljarrde opštine ande Vojvodina. Anglunipe ando losaripe e thanengo, avela kole thanen save, pašo baro riziko katar o čorrpe thaj materijalno degradacija, silen karakteristika vi cikne ekonomikane barjarimasko thaj vučo niveli bibućarrne rromengo.
Ande thana kaj nakhadola kava projekto,trubul ćerrdini e anketa pale kapacitetuja ćijaće akterengo ando sistemo bućarrne thanesko thaj bućaripe. Džiakanutne rodimata sikaven kaj ande majbut opštine lokalošće konsiluja palo bućaripe naj dićhimašći institucionalno pozicija ande lokalosko korkorroortuipe.
Trubul dikhline lokalne akcione planuja pale integracija e Rromenđi thaj palo bućaripe, te dikhlosaspe sar si von ćerrdine thaj kazom si fundome pe manušikane trubulimata. Uladi griža avela usmerime po fakto kaj ande but opštine po ćeripe akcione planonengo sas čutine nekobor manuša, jal jekh manuš, bi čhutipe e strukaće manušengo thaj manuša andar buhlo manušikano ćidipe.
Gajda si dikhlino kaj majcinorre opštinen naj kapaciteto palo vazdipe socijalne inkluzijako, majbut pala godova kaj sigo arrlinpe e bućarrne pe kala buća.
O.V.