KAMAV TE DIĆHENMAN SAR MANUŠES THAJ BUĆARRNO, A NA SAR NACIONALITETO
0
Vakti: 2 min.
Bač, fororro saves si trujal 14 000 forutne po jugo e Bačkako ande Vojvodina, sar mothol e statistika, del ande trito kupa e foronengo save naj kazom trubul buhljarrde ande Republika Srbija. Jek katar šerutne pharimasko kale forosko si baro bibućaripe katar gata 40%. Kava pharipe si pale godova kaj si vi bari emigracija e forutnengo ande majbare foruja jal ande aver phuvja ando rodipe pale bući.
Foto: Kancelarija za inkluziju Roma
O Milorad Nikolić, 22 bršengo terrno andar o Bačo, haćarrda pe pešći morći so kaja statistika thaj teljaripe anel ando čačuno trajo. Vi paše godova kaj trin brš maškarutne phuvjale-tehnikane sikavnjako dija gata majlačhe andimava, o Milorad naštisarrda te malavel jal te araćhel e bući, a ande jakh vrjama pešće trajosko e familijava sas po azili ande Njamcicko.
E sićimava ačhilem kana dijem gata trito brš pale godova kaj semas ando musajipe te ćerav. E dade sas nasvalipe pe gođi, a e dej ćerelas ande umalja so najsas kazom trubul palo trajo. Sas but phare te maladolpe bući, numaj po agor maladem bući ande firma savi ćerel e skamina pale aftuja. Vi paše godova kaj semas lačho, naštisarrdem te arakhav e bući, pale godova kaj o šerutno, savo andar nesavo lesko gndo či kamelas e Rromen, sajekh đes haravelas thaj miškolasman pal than po than. Godova pharjarelasman te aresav rodine rezultatuja, a e poćin ciknjarrdolas manđe“, teljarel pesko svato o Milorado thaj lundžarel: Sas godova but phari vrjama pala mungrri familija. Pale godova đelamtar po azili pale Rroma ande Njamcicko. E dej thaj o dad khote therrdine socijalno ažutipe, a me sigo, kaj sasman dino gata o kurso andar e anglikani čhib, bućarrdilem te arakhav e ćelimasko than pale čhavorra. But sas manđe šukar sas si lačho sistemo ande Njmcicko.
Khote semas dikhlino sar manuš thaj sar bućarrno, kaj dićhen pe tute sar dićhes pe bući, a na andar savo nacionaliteto aves. Pe bibah, palem efta čhon muli e dadešći phen thaj sasmas ando musajipe te boldasamen. Tena godova avilosas, čače, ačhilemas khote. Sasman uslovuja pale godova, kaj e bućarri-
matarja kamline te ćeren manđe e lila palo legalno bešipe thaj trajo“. Palo programo „Bućarimasko vazdipe majphare bućarimašće kupengo ando Bač“, savo ande kooperacija e Regionalne buhljarivašće agencijava Bačka nakhavel e Njamcicko organizacija pale maškharutni kooperacija GIZ trujal o projekto Njamcicko buhljarimašće kooperacijako „Inkluzija e Rromenđi thaj aver marginalizujime kupengo.