KONFERENCIJA: TE DA PHAKA SVAKONE ĆHAVORESE
0
Vakti: 1 min.
Ano Beograd ko 26. marto sasa aćhardini konferencia “Te da phaka svakone ćhavorese”, pe savi vaćardasape katar importantno sićipe ano majangluno baripe, uladine ćhavorengo andar haćardine grupe.
Foto: A.N.
Pe akaja konferencia sasa vi inkluzia Romenđi, savo pala akava ćhidipe e ljiljese “Dekada inkluziaći Romenđi” vaćardasa katar e planora Kancelariaće an kava trujaljipe.
Vov irisajlosa pe rodljarimata save sesa nakhljardine ano nakhlo vakti thaj vaćardasa kaj si hemtrubutno te barardolpe astaripe romane ćhavorengo anglaškolaće sikavimasko, goljese kaj si gova ćaće, fundo sa e sićimase procesose svakone đenesko.
I te si kaj amari phuv sila laćho zakonesko/kanunesko ramo, vi maj dur si baro uladipe ano akterišipe ane anglaškolako sikavipe thaj sićipe maškar generalno populacia thaj e ćhavore save si pe sarsavo ćhand ćhinadine. Već 16,4 katar e šel romane ćhavore, barimastar katar e trin đi ke panđ boš, đan ane anglu- niškola.
Duj trinendar komune e but telune astarimasa peren ane grupe hembianglikane, vaćarel thaj đipherel, kaj e rodljarimata save nakhada o UNICEF ano 2023 thaj 2024 boš, mothon kaj ano akava trujaljipe trubul majbut te ćerdolpe.
Sa akalje aktivmatanđe trubutne si love sar vi e logistika sa e akterenđi po lokalno thaj nacionalno niveli. Romenđi ak varegaći ćhona rodel partnere savo bi akava baro thaj but đando projekto aćharelasa thaj ašuđarav kaj sa e faktora prinđaren barođanljipe agasave projektengo thaj katar avutne školako boš nisi e implementaciasa.
O.V.