ĆIDIPE MAŠKARSEKTOROŠĆE GRUPAKO TRUJAL O RARE PROJEKTO
0
Vakti: 1 min.
E projektos “RARE: arrlisaripe e diskursosko, arrlisaripe e praksako: Rroma sar manušikano resurso”, si palo kamipe te arrlil akanutno malavipe thaj te ćerel partnersko relacija maškar e institucije.
Foto: O.V.
Kova so simen trujal amare buća si formirime maškarsektorošći grupa ande savi si e manuša andar e instituckje, gavermento, avrjaluno, privatno thaj bivladako sektori”, mothoda e Ljiljana Mihajlović, šerut- ni po Ortuimasko ćidipe e Kancelarijako pale inkluzija e Rromenđi AP Vojvodinako.
Jekh katar kamlinašće buća kale grupako si te ćerelpe o akciono plano, vazdipe thaj dinipe avrjalune naćhen e obukako program po bućarrno than ando civilosko thaj raštrako sektori”, mothoda e Mihajlovićešći.
Trujal kaja pilot akcija, sar mothoda e Mihajlovićešći, e Rromenđe save dine ande godova projekto avela ćerrdino profili, sar po fundo katar lengo kamipe, šaj maladinesas trubulimašće firme save bućaren.
E Rroma si majbaro etnikano minoriteto ande Evropaći unija, save si ande jekh vrjama ando majbilačho malavipe, kaj maj vi akana astarrdol e tradimava andar o themešće tokuja, mothoda e Mihajlović thaj gndil kaj kava piloto projektosko ande godova dićhipe sikavelape sar but lačho.
O.V.