SIĆOPE – VORRTA DROM TE INKLJELPE ANDAR E BEDA
0
Vakti: 1 min.
Naj loko thaj jekhutno drom te ćerelpe e integracija e Rromnjenđi, si samo vorrta drom, a vo si inćarrdo ando pharruvipe drabarrdo bedaće krugosko” - mothodino si pe rontali sinija, savi, ando Novi Sad, ćerrde e romane ćidimata.
Foto: M. Karadžić
Bahtarrdimava e avile manušenđe po ćidipe “Malavipe e Rromnjengo ande AP Vojvodina - izazovuja thaj perspektive”, inkalda kaj o drom andar o drabarrdo krugo inđarel priko sićope: “Te kamas te arrlis o malavipe e Rromnjengo, atoska musaj te das sajekh rromane čhejorraće thaj čhavorrešće te sićon.
Sajekh edukujime Rromnjaće te bućarrdol. Sajekh bućarrde Rromnjaće normalno poćin, sar lako čhavorro dethara šaj te teljarel pal majlačhi pozicija, pal koja katar savi voj teljarrda.
Sar mothol o Milano Nikolić, andar e kancelarija Poverenicako palo manušikano jekhipe, ande Srbija si bari etnikani distanca opral e minoritetuja, a posebno opral e Rroma, Albancuja thaj Hrvatuja, džikaj si e predrasude thaj sterotipuja khate, sar ke forutne manuša, gajda vi ke manuša andar e institucije.
Kasave gndova sasvi si andar e RTV: “Katar edukujime Rroma ažućarelpe te den piro džanglipe palo vazdipe e rromane kolektivitetosko, a von godova našti, kaj kana den gata o fakulteto našti te malaven bući. Po rodimasko bućarrno than, mothoda, “si bibučarrne, a edukujime Rroma”.
Ande struktura bibućarrne rromnjengo, save pe bući ažućaren majbut katar duj brš, majbut si, sar mothoda, džipašerutni pokrajinaće ombudsmanosko palo manušikano jekhipe, Rromnja.