O SIĆOPE SI PRIORITETO
0
Vakti: 1 min.
O čorrpe, diskriminacija, predrasude vi majdur si sajekhđesutnipe pale majbut katar 150 000 Rroma save trajin ande Srbija. Maškarthemutno đes inćarrdol sar sumnardasaspe e rromani kultura numaj vi te sikavelpes po trubulipe te nakhavenpe e pharimata savenca maladon e rromano them.
Foto: Kancelarija za inkluzija Roma
Ko šerutno po foro Novi Sad sas e delegacija nevesadošće Rromengo ande jakh e sumnalimašći Maškarthemutne đesesko e Rromengo, savo mothoda kaj si o kamipe nevesadošće administracijako te sa čhavorra save si Rroma ramosaren fundošće sikavne thana ando Novi Sad, sar therrdinesas e orrta po sićope savo si putarrdo pale savorra.
Ađes ćerasa jekh rekapitulacija pale sa so si phanglo pale inkluzija e Rromenđi ande amaro themesko ćidipe ande sajekh segmento, sar dikhlamas pe soste trubul te ćeras ande vrjama savi avel. Si khate miškope, numaj godova naj kazom trubul, musaj te čhos akcento po sićimasko sistemo thaj sićope e Rromengo, len musaj te avel jekhutne uslovuja, te den gata e sikavne thana thaj te avelame so majbut rromane terrnimata pe fakultetuja”, mothoda o šerutno po foro Novi Sad.
Voj bahtarrda sa e Rromenže Maškarthemutno đes e Rromengo thaj mothoda e dadenđe thaj dejanđe rromane čhavorrengo te bičhalen pešće čhavorren ande sikavne thana, sar ande pašo avutnipe šaj ćerrdinesas pale aver importantne pučhimata save si phangle pale Rroma.
E Jovanovićešći dija e Vučevićešće naisarimasko lil kaj sas po “Rromano balo” ando Futogo, so sar voj mothol, si sikavipe kaj e Rromen si ažutipe andar e raštra ando maripe palo majlačho kvaliteto e trajosko.
O.V.