KONFERENCIJA PALE ČHIB, KULTURA THAJ IDENTITETO
0
Vakti: 1 min.
E bući po araćhipe thaj vazdipe e nacionalne minoritetonenđe orrtengojekh si katar ćijaće kotora ande savo ćerel o Pokrajinako forutnengo araćhimatari – ombudsmano.
Foto: AP Vojvodina
Ando kamipe te anel majlačho dijalogo ande aktuelne svatuja thaj pučhimata themešće integracijako nacionalne minoritetongo, sar vi te del šajipe te arrlinpe e džanglimata thaj therrdini praksa e dikhljarrdemanušenca minoritetonenđe korkorroortuimatengo andar pašutne phuvja, o Pokrajinako ombudsmano inćarrda maškarthemutni konferencija pe tema “Čhib, kultura thaj identiteto”.
Pokrajinako sekretari pale kultura, javno informišipe thaj bući religijaće ćidimatenca, dija svato ande vojvodinako Parlamento maškar e manuša save avile pe Maškarthemutni konferencija “Čhib - kultura - identiteto”, ando inćaripe Pokrajinaće ombudsmanosko.
Mothovimava kaj si o alav e konferencijako bičhindimasko phanglo alav, mothoda kaj si e čhib thaj e kultura šerutne thana pe savo ačhel o identiteto sajekh nacionalne ćidimatengo, save trajin ande Vojvodina.
- Khotar si vi lengo araćhipe thaj inćaripe ćijako uslovo te na araćhol o identiteto, no vi te buhljarelpe”, mothoda voj.
Godova si sar mothoda, jekh katar majimportantno prioriteto Pokrajinaće gavermentosko thaj Pokrajinaće sekretarijatosko pale kultura, javno informišipe thaj bući religijaće ćidimatenca.
O.V.