STRATEGIJA PALO SOCIJALNO ČHUTIPE E RROMENGO THAJ E RROMNJENGO

Lideri akcione timosko pale integracije e Rromenđi ando Regionalno konsili pale kooperacija, dija svato palo kamipe e projektosko Integracija e Rromenđi 2020, a godova si kotor palo ciknjaripe socioekonomikano averčhandipe maškar e Rromani thaj birromani populacija po Zapadno Balkano thaj Tursko, zurjavipe institucionalne musajimasko e gavermentosko te čhon thaj te aresen specifikane kamimata pale integracija.

 

Vo mothoda kaj džanel kaj si senzibiliteto thaj politikano kamipe katar Republika Srbija, no kaj e rromen vi majdur si pharipe ando sićope, sastarimasko thaj socijalno araćhipe. Gndil kaj ketani kamimašći zor te haravelpe o čorrpe thaj diskriminacija e Rromenđi thaj Rromenjenđi, thaj te ćerelpe pherrdo šajipe te therenpe manušikane orrte pale Rroma trujal kaja Strategija džiko 2025. brš.

 

Po agor kale ašundimašće ćidimosko, inkalde si e andimata save sikaven po trubulipe te vi majdur ćerelpe e implementacija e andine kanonengo, uladipe e zorjaći trujal konkretne instrukcije pal centralosko po lokalosko niveli, aktivno maškar resorno kooperacija ministerujumošće sar zumado mehanizmo thaj sikavipe lačhe praksako ande implementacija Strategijaći pale inkluzija e Rromenđi.

 

Pe kava ašundipe sas e membruja katar o Odbori pale manušikane orrte thaj manušikano jekhipe, e manuša andar o Regionalne konsilesko pale kooperacija, resorne ministerujumuja, Kancelarija pale manušikane thaj minoritane orrte, Sekretarijato palo socijalno politika, demografija thaj manušikano jekhipe andar e Pokrajinako gavermento Vojvodinako, Nacionalno ćher palo bućaripe, Timo palo socijalno čhutipe thaj čorrmasko ciknjaripe, Nacionalno konsili rromane nacionalne minoritetosko, sar manuša andar e Delegacija Evropaći unijaći ande Srbija.

 

O.V.