O Alen glumisarda e Džejo sar čhavro: Ašunen sar đilabada e đili "Nedelja"

Ande bioskopuja širom Sebijako, šaj dećhekpe o filmo "Nedelja", a Džej Ramadanovski sar čhavro ando filmo ćhelel o Alen Selimi.

 

Kava čhavro ando intervju phenda sar dobisarda uloga pala o filmo, predstavisajlo katar avel, thaj dija svato sar izgledisarda lesko amalipe e Alijević Huseinoa(savo ćhelel uloga katar o majphureder Džej) thaj da li planiril te bavilpes glumasa ando budućo trajo.

 

Anglaj kamera đilabada amenđe đili "Nedelja" katar o Džej, a sa kava šaj dićhen po početko katar o teksto.

 

Alene da li šaj te phenes amenđe sar dobisardan uloga katar o Džej?

 

- Me semas ande Skadarlija thaj bićinavas luluđa khote. Thaj dikhav me jećhe Ana. Dikhavas la paj pendžera, thaj bičhaldem laće poljubac. Ažućardem la pošto phenda te ažućaravla. Phučljama: " Džanes te đilabes"? Džanav naravno phendem. "Džanes katar o Džej đili Nedelja?", phendem ke džanav.

 

Đilabadem laće godaja đili a voj phenda: "Ipak arakhljam o cikno Džej." Dija man pesko instagram, thaj thejara o đes akhardaman, đelem pe audicija.

 

Da li šaj te predstavistu amenđe?

 

- Avav paj Karaburma, Sima 12 berš. Akharama Alen, prezivima Selimi. Džav ande škola pandžto klasa.

 

Savo predmeto majbut volis?

 

- Matematika.

 

Kasa majbut volisas te družistu po snimanje e filmosko "Nedelja"?

 

- Volivas te družima e Ivanoa (Jevtović), Đape, Nemanja Ćeranić (reditelj e filmosko"Nedelja) thaj e Husa. Thaj jećhea save sas le mustaka.

 

Sar sas ćiro amalipe e Husa?

 

- But lačhe. Me les poštujiv sar rođeno phrale.

 

Savi Džejoski đili još volis paša e "Nedelja"?

 

- "Sunce ljubavi".

 

D.N.