MISAL AVER GUVERNENĐE TE AGORISAREN E RROMENĐE PROBLEMURJA
0
Vakti: 1 min.
Prezidento guvernako Nova Crnja, thaj o direktoro Kancelarijako pale inkluzija e Rromenđi, ramosardine duj čhinadimata save si importantne te obezbedilpe formiripe bućarne kupako savi ćerela Lokalno akcijako plano, a katar aver rig te obezbedilpe agorisaripe bešimaske phučimatesko pale jekh Rromani familija.
Foto: A.N.
Avindimava kaj po anglunipe martosko kale bršesko Republikako gavermento anda nevi Strategija palo socijalno inkluzija e Rromenđi thaj e Rromnjenđi, javisajlo o trubusaripe te redefinišilpe akanutno Lokalno akciono plano savo sas po zuralipe katar 2022. džiko 2030. brš.
Odolaće kaja guverna pindžarda o trubusaripe te formirilpe bućarni kupa savi ćerala LAP buhljardo angrusnimatenca definišime godole Strategijava, numaj vi e principenca Rromane Dekadaće thaj Strategijava Evropaće 2024 ande savo si posebno akcento čhutino pe majčorro ćidipe pe Evropaći phuv.
Kava so akana ćeras si amaro šajdipe te Rromano ćidipe so majbut uključisaras ando lokalosko gavermento. Ande amari guverna eksistuil e volja te agorisarenpe se problemurja savenca malavenpe e Rroma thaj ande kava kotor ažućaras zuralipe katar epokrajina thaj e republika.
Angluno manuš kale guvernako pale Rroma si jekh poruka, niči ande piro lokalosko korkorrovastaripe numaj pale Rroma ande sasti Serbija, a godova si kaj trubun te nastupin jekhutnimava, athosko majloće avena džike realizacija pire resonengo.