O Husa dobisarda uloga katar o Džej Ramadanovski: O Alijević ande piro svato liparda e Sveta Petka
0
Vakti: 1 min.
E detaljuja otkrisarda ande emisija "Amidži šou".
Printskrin: TV Pink
Sa maj paše si e premijera thaj bioskopsko distribucija filmoski "Nedelja", a muzičari Husein Alijević Husa ande emisija otkrisarda sar dobisarda uloga katar o Džej Ramadanovski.
- Desisajlo gajda ke e Andrea thaj me boldam e Hana par đesa angla e Sveta Petka. O rašaj phenda amenđe: "Džan, e mumelji, sa so dija amen..." baš palaj Sveta Petka.
- Mungro amalo kotar Valjevo džanglja ke boldam e Hana palaj Sveta Petka. Phenda ke kamel te anol amenđe ikona katar e Sveta Petka. Thaj anda amenđe. Me phendem: Kaj thasa akana gabidor ikona. Phendem ke dikhava e Andrejasa kaj thasa la. Arakhljam laće than ando ćher, thaj posle štar đesa akhardama o Boban Dedić te phučol ma: Džanes , ćeras vareso pala o Džej Ramadanovski, jel si tuće godava zanimljivo? Savoren džanas ke o Džej slavilas e Sveta Petka. Vo stalno džalas ande khanđili e Sveta Petkaći. Godava si baš zanimljivo koincidencija, phenda o Husa.