Deš drom ande jek berš sas pe Sveto Gora

Pala kola manuša save praktikujin hodočašće naj samo putovanje avrijal, već reflektujilpe vi sasto ličnost kotar o putniko, o manuš pe godava načino phučarel bipindžarde predeluja peske dušako. Godava dokazujil o Miloš Zornić anda Konjević, savo ande jek berš, maškar ostale hadžilukuja sas čak deš drom pe Sveto Gora.

 

- Hodočašće si ando svako slučajo jek baro kotor thaj baro iskušenjuje. Trubul te džalpes, naj lako, trubul but bari žrtva. Te šaj o manuš džal ando Hilandari, trubul e devleski dej - Bogorodica te akharel e manuše. Bi gasavo akharipe, naštik areses dži ka Sveto Gora. Godava Baro than sas manđe priprema te džav ando Jerusalim. Kana si ando phučipe o Jerusalim, godava si baro iskušenje thaj bari blagodat kaj pindžardam sa kova ke svako kurko ašunas pe liturgije thaj ando jevanđelje - phenda o Miloš Zornić , hodočasniko anda Konjević.

 

Obzirom ke si angla amende bare đesa, kava si pravo vrjama te del pes svato katar e vera, o del, e praznikuja, thaj vredno si te pomenilpe o hodočašće, savo but manuša šaj preobrazil te po them dićhen pe posebno rig.

 

Kava si čače bare thaj importantne đesa, pala svako manuš trubulas te avel gajda, pala svako porodica. Kana ćeras svato katar o hodočašće, šaj te phenelpe ke amaro trajo kate pe kaja phu si jek hodočašće. Jek data semas ando Jerusalim, thaj o Del čačes projavisarda thaj sikada jek blagodat thaj milost.