KOMPJUTERSKO DOSIĆOPE PALE RROMA ANDE SUBOTICA
0
Vakti: 1 min.
Edukativno maškaripe „Educesen” ande Subotica trajil deš brš, lenđi bući si e edukacija barjarde personengo. Kupatebućaren e fakultonenca, sas organizatorja džanglimaske konferencijengo save sas ando phanglipe e bućarimava.
Foto: A.N.
Kale maškaripe si baro đindo kupatebućarne, thaj phanglimava katar o trubusaripe ćeren čhinade programurja. Trujal e seminarja, radionice thaj treningurja sukcesutne buhljaren o džanglipe thaj ažutisaren te therenpe neve džanglimata thaj kompetencije.
Edukativno maškaripe „Educesen”, sar jekh sikavimaski institucija, već lungo rindo bršengo prisutno si ande lumnja sikavimaski Republikako Serbijako, fundosardo si e idejava te terne manušenđe pe teritorija Telune Sremosko del o šaipe palo dodatno sićope.
Fundosko zadatko edukativno maškaripesko si praktično sićope pale kadrurja ando angrusnipe ekonomijako, menadžmentosko, turistikako, juristikanesko, poljoprivredako thaj ekologijako. Kana therena o džanglipe, kompetencije thaj te aven sposobne pe godova čhand, delpe o šaipe te usavršinpe thaj te ćidelpe ande jekh modern bućaripe e trendonenca moderno ekonomijaće teorijava.
Planirime si te angluno modulo avel efta đes, jal 30 časurja, numaj andine odluka te godova avel majlungo, sar avena sigurne kaj aresle džiko džanglipe. Dži akana si 15 prijavime džene pale kava dosićope, numaj si o šaipe kaj godova đindo barjola.
E načelnica Snežana Gagić bičhalda lenđe zuralimaske alava thaj phenda o čačipe kaj si usvojime Lokalosko akciono plano palo majlačharipe e statusosko e Rromengo pale vrjama katar 2022. džiko 2024. brš, savesko prioriteto si o sićope, sastipe, bešipe thaj o bućaripe.
- Te dobisaren kava certifikato butimaske si importantno pala tumende thaj odolaće kamav tumenđe te sukcesutne agorisaren kava dosićope“, phenda po agor e načelnica.