RROMANE SIKLENGO ANDE MAŠKARUTNE ŠKOLE TALE MAJLAČHE KIŠLIPENA
0
Vakti: 1 min.
Ministro sićimasko, džanglimasko thaj tehnološko buhljarimasko, anda po 8. februaro Nijamari pale napa thaj postupko palo ramope siklengo Rromane nacionosko ande maškarutne škole tale majlačhe kišlipena te avel džiko sasto barabarikanipe.
Foto: Kancelarija za inkluziju Roma
Fundosko sikavno than teljarda katar eftato klaso te sikavel e bijandimatarenđe e nape savenca informišin len, jal phurederutnen e siklenđe pale nape thaj čhand socijalno bućarnesko) thaj aver sikavimatarengo save si ando phanglipe e:
- Kontinuirime informišipe e bijandimatarengo, jal phurederutnengo pale šaimata palo ramope e siklengo ande maškarutne sikavne thana a save si ando sklado kale nijamareja;
- Del o turvinjipe te inkalelpe trubusardi dokumentacija pale prijava e siklenđi palo ramope ande maškarutne škole ando sklado kale nijamareja;
- Ažutipe bijandimatarenđe, jal phurederutnenđe thaj e siklenđe te losaren e maškarutni škola jal profesija, trujal kamavipe thaj šaipe e siklengo thaj ando godova reso dićhipe lenđe buhljarimasko thaj informišipe palo karaktero thaj kišlipena bućaće varesave profesijenđe
E sikle save si prijavime palo ramope tale majlačhe kišlipena ando sklado kale nijamareja, položin agorutno ispito ando sklado e talekanonoske aktova savo lačharel agorutno ispito. Đindo bodonengo save e sikle aresen po fundo sukcesosko andar škola thaj po fundo agorutne ispitosko, barjarelpe pale 30% katar đindo bodonengo savo falil lenđe džike 100 bodurja.
E siklenđe save train ande familija savi dobil lovengo socijalno ažutipe, o đindo bodonengo save aresle po fundo sukcesosko andar škola thaj agorutne ispitosko barjarelpe pale 35% katar o đindo bodonengo savo falil lenđe džike 100 bodurja.