MANUŠIKANE ORTURJA MAŠKARTHEMESKO ĐES MANUŠENĐO ORTENGO
0
Vakti: 1 min.
Se bijande manuša si mukle, e jekhutnimaske izatalipeja thaj ortenca” vaćarel o angluno dženo Opšte poveljako pale manušenđe orte. Bijandimava thaj anglune trajetoske časova e manuše si manušeske orte. Von si garantuime, naštik lenpes thaj regulišime si butimaske maškarthemeske dokumentonenca.
Foto: A. Mićić
Opšto Deklaracija Ujedinime nacijengo pale manušenđe orturja krlardi si po 10. decembro 1948. Odolaće kava datumo katar 1950. semnosarelpe sar Maškarthemesko đes manušenđe ortengo.
Pale daravimaske varvarizmurja Dujto themeske marimasko, Generalno ćidipe UN usvojisarda e Univerzalno deklaracija pale manušenđe orte po 1948. brš. Vi te nas juristikane dajatvani, zurale apeluisarda pe raštre membrurja te priznajin manušenđe, forutnenđe, ekonomikane thaj socijalne orte, pašo principo kaj si kala anglune jekh kotor “fundoske muklimasko, čačimasko thaj mirosko ando them”. E Deklaracija sas angluno juristikano kamavipe te e raštre len sama pe piro arakhadipe thaj te ćerelpe o ćićidipe pe lende te akseptuin e obligacije pala pire fortune trujal korelativno modelo ortengo thaj obligacijengo.
Butimaske raštre kamline te džan majdur katar e Deklaracija ortengo thaj te ćeren e pakturja thaj haćarimata savenca ćerdinesas majbaro ćićidipe pe raštre te akseptuin e norme manušenđe ortengo. Odolaće kaj eksistuisarda bihaćaripe palo kotor dal e jekhutnimaski povelja trubujasas te inćarel vi ekonomikane thaj socijalne orte (save roden katar e raštre majbaro hićipe), lačharde si duj pakturja.
Po brš 1966. avilo po zuralipe Maškarthemesko pakto pale forutnenđe thaj politikaće orte, a po brš 1976. Maškarthemesko pakto pale ekonomikane, socijalne thaj kulturaće orte. Jekhimava e Univerzalne deklaracijava pale manušeske orte kale dokumenturja ćeren kova so ađes akharas Maškarthemeski povelja e ortenđi.