But lačhi integracija kater e Rromani zajednica po lokalno nivelo

E Roma si posle Mađarsko nacionalno manjina majbrojnije ando Zrenjanin. Precizne podatkuja katar o numero e rromengo pe teritorija katar o Zrenjanin naj, zbog e bare migracije ande phuvija katar e Evropsko unija, ali prema e podatkuja katar e nevladine ćidimata thaj katar o lokalno Mobilno timo, pe teritorija e Zrenjaninoski, trajil oko deš hiljade 10. 000 Roma, dok ando foro si len nešto majbut tare 3.500.

 

Ando paramiči e Nataša Stojadinov Radović - zamenica načelnikoski katar o odeljenje palaj društvene delatnosti gradske uprave katar o grado Zrenjanin, šaj ašundamas ke e pripadnikuja romske zajednicako si len slične problemuja sar vi ande većina aver opštine thaj graduja ande Srbija, ali ke o Zrenjanin pokušajil različite projektonca thaj programonca te lačharel o položaji katar e grupacija, naročito ande oblast katar o obrazovanje thaj zapošljavanje.

 

- E problemuja si egzistencijalne prirodako. Baro brojo e romengo trajil pe ivica katar o čorrpe. Isto gajda o stepeno katar o obrazovanje si but nisko thaj zbog godava phare vi avel dži ko zaposlenje. Von uglavnom trajin ande neuslovne stambene objektuja save si nelegalizovane, thaj godava otežajil amenđe te pružisaras lenđe pomoć po pitanju građevinskog materijala. Ali pašaj sa e phare okolnosti, amaro grado brinolpes palaj e e rromengo thaj e rromnjengo. E aktivnostuja bazirinpe uglavnom po obrazovanje thaj zapošljavanje thaj sa e relevantne gradske institucije si uključime. Si men Koordinatorka palaj romske phučimata , pedagoško asistentkinja thaj zdravstveno medijatorka. Von pomožin amen ande realizacija sa amare aktivnostuja save si usmerime premal romsko zajednica.

 

Sar phenel e Natalija Stojadinov Radović, e skupština e gradoski uskoro usvojila o budžetarni, lokalni akcioni plan palao poboljšanje položajo e romengo ando grado Zrenjanin, savo ande majbut pomognila maj sigo integracijako romske zajednicako zato ke kava dokumento obuhvatil sa majvažne segmentuja Nacionalne strategijako palaj roma. E saradnja maškar romsko ztajednica thaj sa lokalne institucije si po zavidno nivoo phenda voj.

 

- Ciljo amare gradske upravako si ravnomerno razvoj sa e delonenca amare gradosko. Romsko zajednica sar jek katar maj-ugroženijo, avela la prioriteto te rešil sa e komunalne thaj infrastrukturne problemuja. Isto sa amare institucije sar vi o Centro palao socijalni rad prekal e obrazovne ustanove, dži ko Crveni krst, ćeren mobilno timo palao unapređivanje thaj praćenje toka realizacije sa e strateške dokumentinđe save si direktno usmerime pe romsko zajednica thaj lendar očekujilpe te peski bući obavin predano thaj profesionalno sar vi dži akana thaj ke zajedničko bućasa thaj zalaganjem uspisarasa te još majbut poboljšisaras o položajo amare sugrađanengo-e romengo.Odgovorne pristupova katar e problemuja e romske zajednicako katar e rig lokalne samouprave thaj institucije, o položajo e romengo thaj rromnjengo šaj de majbut avel majlačho.

 

But lačho primeri, kotar lačho funkcionisanje thaj baro zalaganje, svakako si o grado Zrenjanin, savo ande majpaluni dekada uspisarda te realizujil baro brojo programuja thaj pokrenisarda baro brojo inicijativa save sas direktno usmerime pe romsko zajednica thaj save dine pozitivne rezultatuja. Sar phenel e Nataša Stojanov-radovanović, godava trendo avela nastavime ando naredno periodo.