RAMOSARDINEPE KONTRAKTURJA PALE STUDENTONENĐE STIPENDIJE
0
Vakti: 1 min.
Lačhardine lošanimasko ramosaripe kontrakturjengo pale stipendije studentonengo rromane nacionoske palo sikavimasko brš 2023/2024.
Foto: Kancelarija za inkluziju Roma
E stipendije si therdine pala 20 studenturja thaj studentkinje rromane nacionoske, palo studijsko pro- gramo palo sićope vinajengo pe rromani čhib pe Vučo sikavno than strukovne studijengo palo sićope vinajengo “Mihailo Palov” ando foro Vršac.
E studentonenca maladapes džipašerutni Pokrajinaće thagarimasko thaj pokrajinako sekretaro pale privreda, bućaripe thaj jekhetanipe polurjeng.
Ando kamipe te lundžarelpes o proceso arakhadimasko, lesamalimasko thaj buhljarimasko rromane čhibjako ande institucije, Kancelarija pale inkluzija e Rromenđi thaj Matica rromani ande 2023. brš teljardine e inicijativa palo putaripe studijaće programosko pale vinaja pe rromani čhib.
Džipašertuno Pokrajinaće inćarimasko Miroslav Vasin inkalda kaj o Pokrajinako inćaripe thagarimasko kamel te del adekvatno ažutipe thaj loćaripe manušenđe andar rromano nacionalno amalipe, krozal averčhande mere, programurja thaj projekturja, thaj kaj akanutni situacija vi pašo fakto kaj či areslo kamlimasko nivelo, no džungavel ođimasko paćape ando majlačhe thejarra.
Ađes si ande Vojvodina vi baro đindo cikne firmengo, kašće inćarimatarja thaj fundosarimatarja si e Rroma,” mothoda , lundžarimasa kaj denpes bare zuralimata katar Pokrajinako thagaripe inćarimasko thaj Sekretarijatosko te pe sa kvalitetno varo majbuhljarelpes than e Rromengo ande pokrajina.
Pale godova kaj si o semnipe fundosarimasko vučesikadimasko kotoresko pala rromani čhib, ando kamipe te araćhelpes identiteto rromane amalimasko pe kala thana, Kancelarija pale inkluzija e Rromenđi sar kotor pire planosko thaj program bućarimasko čhuta vi finansijako zurjavipe studento- nengo kale kotoresko.