Zurjavipe pale vazdimašće familije

Leske fundosarimava dino si kotor te ćerelpes thaj te vazdelpes sistemo kvalitetosko lesamalimasko hasnarimatengo ando socijalno lesamalipe. Centro si fundosardo po 19. decembro 2023. brš čhinadimasa katar Thagaripe AP Vojvodinako, pala teritorija katar Južnobački, Sremski thaj Srednjebanatsko ortuimasko trujalipe. Kancelarije Centroske si čhutine ando Ćher 1 ando Čhavrikano gav (Dečije selo) ande Sremska Kamenica.

 

Leske teljardimava ande Vojvodina, direktno anelpes čačaripe katar majsemne reformske kamimata save si čhutine ande strateške dokumenturja Republikatar Srbijatar, savenca teljarelpes buhljaripe uslugurjengo, merengo thaj kotorengo lesamalimasko čhavorrengo thaj majphureder manušengo.

 

Talo novosadosko centro pe teritorija Republikatar Srbijatar akana bućarel inke 5 Centrurja palo familijako bešipe thaj linipe. Von si ando foro Beogrado, Niš, Kragujevac, Ćuprija thaj Centro ando Miloševac, sar than savo Inćarel lundžebršešći tradicija kasave vazdimasko. Ando plano si fundosaripe inke duj Centrurja pe teritorija Vojvodinaći ande Bela Crkva thaj Subotica.

 

Sar kaj si lipardo majanglal, 780 familije katar teritorije pala save si o Centro vi fundosardo nakhavel familijako bešipe. Kava segmento socijalne arakhadimasko pesa inćarel vi detot kvaliteto khetanimaske bućarimasko ehasnarimatarnenca, jal kolenca save den vazdipe. E kola save den vazdipe ando sistemo socijalne arakhadimasko, a po fundo Kanonosko palo socijalno lesamalipe, pe lende dićhelpes sar pe kola save den usluge.

 

Pe grafikonurja si sikadini distribucija čhavorrenđi kal manušenđi pherde bršengo thaj majphureder manušengo po bešipe ande vazdimašće familije pe teritorija katar Južnobački, Sremosko thaj Srednjebanatsko ortuimasko kotor.