JOŠ JEK ANDO NIZO KATAR TERNE USPEŠNE ROMKINJE
0
Vakti: 1 min.
E đesesa kana obeležailpe "Maškar-narodosko đes palao pravo e themesko", e Eldina Nikolić dobisarda fakultetsko diploma katar o filozofsko fakulteto ando Novi Sad.
Foto: Privatna arhiva/Eldina Nikolić
Lako diplomski rado si ašundo palaj majlačho ande sasti klasa. Kana sas cikni čhori, ande laći porodica či delaspe svato romani čhib, thaj gajda ando štarto razredo lako papo thoda o gndo te upišil e Eldina thaj laće phrales po folklori. Gajda e Eldina sićili te ćerel svato rromane, sar vi e aver čhavrra save džanas lasa ande klasa.
-Ponosno sem ke džanav mungri dejaki čhib, savo pe amari bari beda sa maj but hasavolpe. Bahtali sem ke šaj te predajiv e studentonđe save si mungre nacijako-phenel e Eldina zadovoljno. Maj dur de osnovno škola, e Eldina završisarda vi srednjo ekonomsko škola, palav finansijsko tehničari ande Subotica.
Kaja rromani čhori phenel ke nikad naj sas la problemo te sićol, sar vi ke nikad naj sas la problemo e diskriminacijasa , iako sas jedino rromani čhori ande klasa.
- Kana teljardem po fakulteto, semas prvo pe lista palao budžeto, thaj dobisardem duj stipendije- katar e kancelarija palaj inkluyija e romenđi, thaj katar o Ministarstvo prosvete. Zahvaljujući mungrre majlačhe uspehoske, ande srednjo škola, uspisardem te dobiv vi studentsko domo - phenel voj.
E Eldina isto gajda phenel ke e ćija katar o čorripe e rromengo ustvari si o sićope thaj o obrazovanje. Majdur de pesko pharo thaj dumutuno školovanje, voj uspisarda ande peski namera. Zaposlisajli sar asistentkinja po fakulteto, thaj predajil trin predmetuja save si phangle palao razvoj govora, motorike, thaj filozofije mase.
Danijela N.