INĆARDINE 30. DROM ANDE KIKINDA E ĐESA KOTAR E LUDAJA

Kikinda sas po trandato drom ćherutni manifestijaće savi bučhol “Dani ludaje”. Kalebršesko programo inćardape ande štar đesa, katar 18. džiko 21. decembro trujal save e dikhavnen sas o šaipe te zumaven tradicionalne habenata thaj te len piro kotor ando takmičenje thaj ando maskenbalo, dićhen e izložbe te ašunen kompetentuno sikavipethaj koncerturja.

Paše butimaske štandurja, o štando forutnengo amalimasko „ROM-INKLUZIJA“ sikadape gurmanske specijalitetonenca save si kotor tradicijaće Rromane pindaće. O Miodrag Pešić, vastarutno direktoro kale amalimasko phenda kaj pe majbari forutni manifestacija line piro kotor.

Po angluno drom vi godova e projektova savo inćarda e Pokrajinako sekretarijato pale bući, bućaripe thaj bijandimasko jekhipe katar savo dobisardine 50. 000 dinarja palo sikavipe nacionalno habenatengo thaj pale kultura e Rromenđi.Godole lovenca ćindine sa palo ćiravipe, o paviljono thaj e skamina save lenđe, sar mothon, koristina vi ande avinde buća.

Amari bući si, eksepto sikavimasko, fokusirime pe kultura, dumutnipe thaj tradicija. Naisaras e Pokrajinaće sekretarijatonenđe save ažutin amenđe ande projekturja, numaj ande guverna pe bibaht či dobisaras finansijako ažutipe već duj brš, phenda o Pešić.

Ćherutne štipalke – plićinte ćerenpe samo katar o arro thaj o paj. Odolaće kaj andre či džal o kvasco, o humer, te šukljol, musaj lačhe te ćerelpe, thaj athoska te pećol ando handuk čićen. Me kava habe sićilem te ćerav katar mungrri dej kana sasma 12 brš, ašarelpe e ćiravutni.