Ramosardine čhinaavipe palo sikavipe Rromane fundoske siklengo ande pokrajina
0
Vakti: 1 min.
Potpresidento Pokrajinaće gavermentosko thaj pokrajinako sekretaro pale bući, bućaripe thaj bijandimasko jekhipe, ramosarda o čhinavipe e anglalmothodenca andar 14 lokalosko korkorroortuimava.
Foto: Kancelarija za inkluziju Roma
Sigurno kala love, save naj butimaske bare, agorisarela e bući thaj jekh kotor Rromane čhavrengo, savenđe kala love avena po lačhipe te ćinen neve pustika thaj thaj školako priboro, thaj so loćarela lenđe o ramosaripe ando avindo klaso ande kava sikavno brš.
Lačhipe si te dićhelpe sar “cîkne lovenca” ćerenpe bare rezultaturja ando sektoro te majlačharelpe o statuso e Rromane populacijako. Generalno ačhavipe si kale Sekretarijatosko te na das bare subvencije, odolaće kaj najmen butimaske finansije te ulavas numaj kamas te godola love iskoristisaras po majraci- onalno čhand.
Gajda već ande angluni opašin kale bršesko, majbut 800 cîkne thaj maškarutne preduzeća, forutnenđe ćidimata thaj bigavermentoske organizacije koristisardine varesavi subvencija amare Sekretarijatosko. Maškar lende si vi organizacije save koristisardine e konkursurja pale javne buća ando angrusnipe te ažutilpe Rromane nacionalno ćidipeske.