EU vi majdur bućarela e Akharnjasa palo bijadimasko jekhipe bućaripe po vazdipe e tolerancijak

Akharni palo jekhipe Brankica Janković maladilja e šerutne manušesa pe delegacija katar e Eu ande Srbija Semoa Fabricijoa. brankica jankovic i sem fabricijo jpg

Ando svato sas vi andar o anglunipe po vazdipe ortengo katar e minoritane thaj marginalizujime kolektiviteturja, numa pale diskriminacija thaj tolerancija ande se kotora trajošće, sar vi dipe e Akharnjako palo jekhipe ando inkaldipe kozom si importantno manušikane orte thaj jekhutne, importantne institucije pale kolektiviteturja, ande evrointegracijske procesuja amare phuvjake.

Jekh katar e mothodimata sas vi o dićipe ando bijandimasko jekhipe po lokalno niveli savo e Akharni sikada pe konferencija po Maškarthemutno đes pale tolerancija, kaj mothoda kaj naj lače samo te andon e orte numa trubul vi te nakhadon averčande aktivnosturja save e institucije nakhavena ande avutni vrjama.Akharni thaj o šerutno pe delegacija katar e EU, maladile ando svato kaj vi palo haćaripe po averčandipe trubul butevrjamako bućaripe ande se kotora.

Ambasadori mothoda kaj e delegacija EU vi majdur bućarela e Akharnjasa palo bijandimasko jekhipe thaj dija dumo po bućaripe institucijengo ando vazdipe po tolerancijako them savo maškar peste haćarel, del paća thaj lel sama pe manušikane orte katar sajekh manuš.