DUNA ROMANI LUMA
0
Vakti: 1 min.
Аndo angrusnipe Dorjavaće Strategijaće po agor aprilosko organizuime si konferencija ando Ulmo talo alav Duna Romani Lum.
Foto: Kancelarija za inkluziju Roma
Pe konferencija sas akharde anglalmothode andar bithagarimaske organizacije (NVO), anglalmothode maškarthemutne organizacijengo thaj donatorja, institucije germanijaće pokrajinako Baden Virtenberg sar vi khanđiraće anglalmothode save sas akharde te aktivno len piro kotor pe konferencija.
Katar baro importaliteto sas kaj pe kaja konferencija piro kotor line vi anglalmothode andar Rromengo ćidipe save inkaldine pire gîndurja thaj ideje te agorisarelpe po butipe pharo Rromengo phučipe.
Te agorisarelpe phučipe Rromane ćidipesko savo si majbut dženengo minorito ande phuvja Dorjaveske regionesko, thaj savo si marginalizuime thaj diskriminišime, anglalmothovel baro zumavipe pale phuvja phurabeske thaj paščimeske Evropako ando proceso te majlačharelpe o status e Rromengo.
Odolaće kaj nas labdardi e integracija e Rromenđi dži akana, kaj si vi majdur socijalno ćhinavdine, trubusardo si te ćidenpe e misala lačhe praksako thaj zumavimata, save majdur buhljarenape trujal butebršesko strategijako agorisaripe.
Angle Pokrajinako gavermento pe konferencija sas prisutno ažutimatarka pokrajinaće sekretaroski pale bući, bućaripe thaj bijandimasko jekhipe, savi si kompetentno palo sektoro te majlačharelpe o status e Rromengo thaj anglalmothode andar Kancelarija pale inkluzija e Rromenđi.