BAZIRIME O LEKTORATO PALE RROMANI ČHIB PO FILOLOŠKO FAKULTETO UNIVERZITETOSKO ANDO BEOGRADO

Rromane čhibjako si uključime ande fundoske akademikane studije kale vučesikavimaske institucijako, ando angrusnipe Maškaresko palo phirutnimasko dosićope thaj evaluacija o Fakulteto organizirila e kursurja Rromane čhibjako, sova delpe o šaipe e diplomirime sikavimatarenđe te aven džike potvrde kaj džanen e Rromani čhib thaj te uključinpe ando redovno sikavipe ande fundoske thaj maškarutne sikavne thana ande save sićolpe o predmeto Rromani čhib e elementonenca nacionalne kulturava.

 

Pe kava čhand Rromani čhib avili džiko vortaortuipesko statuso sar vi sa aver čhibja nacionalne minoritengo savengo sićope organizuilpe po Filološko fakulteto ando Beogrado. Kale decizijava ćerdape o kišlipe palo buhljaripe thaj standardizacija Rromane čhibako, palo araćhipe kulturaće identitetosko Rromengo thaj palo majkvalitetno sićope e siklengo Rromane nacionosko.

 

Pe kava čhand majlačharelape o sićope Rromane čhavrengo, majlačharelape lengo aresipe ando sićope, areselape džiko kontinuiteto ando sićope thaj maj palal – ćerelape o kišlipe pale lenđi socijalno inkluzija.

 

Teljaripe kale procesosko po Filološko fakulteto inicisardine kompetutne Maškaripesko palo rodipe etnicitetosko, a zurardo si e katar Ministerijumo sićimasko, džanglimasko thaj tehnološko buhljarimasko. Sićope Rromane čhibako po Beogradsko univerziteto sile dumutnimasko thaj kulturako semnosaripe, a Džanglimasko – sićimasko sombešipe Filološko fakultetosko anda jekh katar majimportantno čhinadipe palo arakhadipe thaj majlačharipe kulturaće identitetosko Rromengo ande amari phuv.