DŽANGLIMAVA DŽIKO BUĆARIPE

Kana si o alav pala aver aktiviteturja, sa jekh čhon-duj simen maladipe e studentonenca kana von šaj te inkalen pire pharimata palo sićope, savesa si (bi) bahtale thaj save aktiviteturja amen ando sikavno than trubus te ćeras. Godoleja pašunisarasmen jekh avreste.

 

Vareso so avel po agor si maškarthemutno khetanimasko bućaripe. Amaro sikavno than si phandadi e institucijenca save si sar amari, sar ande Srbija, gajda vi e institucijenca ando trujalipe, sar vi majdur: Slovenija, Hrvatska, Ungriko, Rumunija, Češka, Slovačka, Rusija, Amerika thaj aver raštre.

 

Dži akana či sas kasave pgarimata odolaći kaj si amare programurja sar aver, but si paše jekh avreste. Te mothas sar sikadipe kaj ando departmano katar jekh grafikano kotor si šajipe palo studiripe ande kotora katar štar studijaće programurja thaj von si pašune, gajda kaj talo gatisaripe jećhe programosko, varesave ciken averčhandimava šaj te gatisaren vi aver.

 

Kasavo šajipe či ni ažućardem, poloće teljardem vi te hasarav paćape kaj arakhava bućaripe, a aksa kate sikadapes šajipe. Kava bućaripe si manđe but kamlimasko, sa majlačhe arakhavma thaj munggro kamipe si vi te ačhav kate talo nakhlipe kale vrjamako. Sima šajipe te bućarav thaj te khetane bućarav e pindžarde sikamnenca thaj te po sa jekh đes katae lende sićivav vareso nevo, so si but semno.