Zurjavipe palo bićaripe e Rromengo
0
Vakti: 1 min.
Centro palo rodipe etnicitetosko, ande kooperacija e Komisijava palo rodipe trajosko thaj adeturjengo e Rromengo katar Dasikani akademija džanglimašći thaj artistimašći, a talo zurjavipe Kancelarijako pale manušikane thaj minoritane orturja Gavermentostar Republikatar Srbijatar, nakhavel o projekto „Podsticaj zapošljavanju Roma/Romkinja kroz afirmativne mere”.
Foto: M. Karadžić
Šerutno po kotor pale maškarutnipe ando bućaripe thaj planiripe karijerosko ande novosadošći filijala, bahtarda šukar alavenca manušen save avilije thaj putarda o svato. Vo alavarda kaj e Rroma si čhutine ande kategorija katar phare bućarde manuša thaj pale save musaj te aven averčhande afirmativne mere.
Dićhimasa kaj si revizija Strategijaći palo majbuhljaripe thanengo e Rromengo, katar lende ažućarelpes te po fundo kale rodimasko ćeren seto principurjengo thaj merengo save dena ande Strategija ando kotor bućarimasko. Kamipe sit e dićhenpes šerutne pharimata ando bućaripe Rromengo, sar vi ando nakhadipe afirmativne merengo, dićhimas pe godova kaj si raporturja save sikaven pe godova kaj godola mere či čačaren piro kamipe po varo sar trubul.
Sar sikadipe lipardine duj raporturja: raporto katar Nacionalna služba savo sikavel kaj vi pače trin mere Nacionalne službatar (subvencije kolenđe save den bući, subvencije palo korkorrobućaripe thaj ašuni- mašće bućarimata), naj đindo trubulimasko savo hasnarela godola mere thaj raporto katar lesamali- matari forutnengo savo sikavel kaj si đindo bućarimasko e Rromengo cikno.
Ćerdino si vi pučhimasko lil pale kola save den bući. Rodimasa trubul te avel učhardine 100 manuša bućarnimatarja, a e svaturja inćarenpes ande 10 filijale ande Srbija, kaj trajil sa majbaro đindo e Rromengo.