ČAČARAS ČHAVRRIKANE SUNE
0
Vakti: 1 min.
Ando oktobro 2023. brš GRUBB fondacija barvardapes palo sikavimasko centro ando Novi Sad. Amari redakcija sas po lošanipe palo putaripe novosadosko centrosko thaj but lačhe haćardapes.
Foto: Grab/arhiva
Anglal brš bućarimasko kale centrosko das svato e koordinaotrkava, katar save ašundam kaj si lenđe sikavne thana pherde čhavorrendar thaj ternendar, kaj inćaren but averčhande aktiviteturja save si mothodipe pe trubulimata, rezultaturja save aresline si bare thaj detot ašarenpes po baro đindo čhejengo save džan ando GRUBB thaj save line kotor ando sikavimasko sistemo.
GRUBB si pala lende. GRUBB si von. Godova si lengo aver ćher, lengo kamlimasko than ando savo butimasa haćarenpes majlačhe no ćhere. GRUBB ašunele lengo krllo, dićhel lenđe trubulimata thaj pherel len. GRUBB si lengo zurjavipe te pindžarel pire sune thaj te čačarel len. GRUBB si seđesutnipe thaj kova semno kotor lenše čhavrrikanesko thaj ternimasko, sar vi vortope ande lenđe trajurja.
Pala godova amen či čhinavas, von godova ćeren. Amaro bućaripe si te ašunas kova so mothon, te dikhas lenđe trubulimata thaj kamimata thaj te arakhas varo te das lenše kova so kamen te bućaren ande pire tromallimaske vrjama.
Tumare hasnarimatarja šaj te džan pe radionice, te theren neve džanglimata, buhljaren piro talento, tgm. No, semnipe si ande godova te von inkljen andar tumare thana thaj te ašuni masa sikaven sa kole save venca ašarenpes.