Forum palo bućaripe Rromengo
0
Vakti: 1 min.
Ando Parlamento Vojvodinako inćardo si Forum palobućaripe e Rromengo savo khetane ćerdine Centar za proizvodnju znanja i vestina (CPZV) andar Novi Sad.
Foto: M. Karadžić
Katar 2023. brš kala trin ćidimata nakhaven PGF programo ande Srbija, CPZV (PGF tim Vojvodina), UG Romanipen (PGF im centralna Srbija) thaj Romski centar za demokratiju (PGF tim južna Srbija) sa jekh đes del zurjavipe ćidimatenđe thaj institucijenđe te aplicirn ke donatorja pala fundurja te nakhaven projekturja savenca majbuhljarelpes than rromane populacijako.
PGF timurja sikaven zurjavipe ćidimatenđe thaj institucijenđe sar buhljarena resursurja thaj kapaciteturja thaj godoleja dena piro kotor ando buhljaripe thaj integracija rromane amalimasko.
Inkalda aktivno linipe katar ćherutne thaj maškarthemutne institucije thaj ćidimata ando proceso majbuhljarimasko thanengo e Rromengo ando kotor sikavimasko, bućarimasko thaj bešimasko. Majdur liparda zuralimjata save del Pokrajinako gavermento ando bućaripe e Rromengo ande pokrajinaći administracija sar vi ando inkaldipe konkursurjengo palo korkorrobućaripe Rromengo.
Katar baro semnipe si inisijativa katar Fondo pala putardo ćidipe andar Budimpešta ando angažuipe PGF timurjengo pala zurjavipe rromane BGĆ pe teritorija saste raštrako. Bršenca majpalal sasmen problemo kaj e amare BGĆ nas kapaciteturja palo ramosaripe thaj realizacija projekturjenđi tale modelurja EU.
Ađes godova naj majbut ačhadipe thaj palal godova akharav rromane BGĆ te maksimalno hasnaren bipoćinde usluge PGF timurja ando gatisaripe thaj realizacija projekturjenđe savi direktno ćerela efekto po majbuhljaripe thanengo e Rromengo.