Sićope – Bućaripre – Kultura e Rromengi
0
Vakti: 1 min.
Roma Restart si regionalno ćidipe e Rromengo, a fundosardine les, ando decembro 2013. brš, terne Rroma andar efta raštre katar zapadno Balkano.
Foto: Kancelarija za inkluziju Roma
Sar čačarela pire kamimata ćidipe Roma Restart lel kotor thaj nakhavel akcije andar kotora save šaj te anen majlačharipe thanengo terne Rromengo.
Sićope — Majlačharipe sikavimašće sistemosko pala terne Rroma, prdal kala aktiviteturja: andipe thaj implementacija katar neve afirmativne mere ando sićope, sar vi majlačharipe katar akanutne, majlačharipe sistemosko pale stipendije thaj bešipe ande maškarutne sikavimašće thana, promocija palo semnipe sikavimasko thaj šajipe save vo del ande rromane thana, treningurja palo neformalno sikavipe.
Bućaripe — pindžaripe terne Rromengo e bućarimašće tržištosa, majlačharipe bućarimasko terne sikade Rromengo, hasnaripe šejengo save si ulade palo bućaripe thaj korrkorrobućaripe, vaćardipe palo bućaripe terne Rromengo ande raštraći thaj lokalošći administracija.
Kultura — standardizacije rromane čhibjako, organizacija katar kulturaće thaj đilabimašće ćerdimata, kreativne radionice, lošanipe đesengo save si semne pala rromani kultura, ćerdipe thaj inkladipe katar sikavimaske audio-video materijalurja save si phangle pale kultura.
Bućaripe ćidimasko Roma Restart sikavel kamavipe te fundosarelpes baro kujbo terne Rromengo savi avel ando šajipe te avel zuralo sikavimasko trupo terne rromengo ande Evropa, sar majefikasno marenaspe palo paćivalipe averčhandimasko thaj čačarelape socijalno arakhadipe.