ČHAVRIKANO KURKO DEL GOĐI TE PAĆELPES ANDE ČHAVRRIKANE ORTURJA
0
Vakti: 1 min.
Angluno kurko ando oktobro ando sasto them, sar vi amende si uladi pale čhavorra. Sevrjamaće kamimata Čhavrrikane kurkaće.
Foto: M. Karadžić
Ando kava brš Čhavrrikano kurko inćarel alav “Mama, tata, kupite mi brata.” E Srbija si maškar raštre e maj purine populacijava, majcîra katar 18% populacije si majterne katar 18. brša. E ideja saste manifestacijako si te majzurjavelpes pronatalitetna politika ando Novi Sad thaj udžilimasko bijandimatarnipe krozal baro kotor aktiviteturjengo pala majterne forutne save achene lenđe ande gođi lundži vrjama.
Kamipe programosko si te e čhavorrenđe delpes šajipe te sikaven pire talenturja thaj kreativne šajimata krozal ćhelipe thaj amalipe, aska te majlačharelpes kvaliteto trajosko, te ačhavelpes bilačhipe thaj diskriminacija. Detot lesamalipe si dino pala inkluzija e čhavorrenđi pharimasa ando buhljaripe thaj marginalizuime kupenca.
Planirime si averčhande aktiviteturja pale čhavorra đsikavne thaj anglal sikavne bršesko: teatrosko maratono, etnomuzikološke radionice, đilabimasko takmičenje, Muzika za sve, familijako karnevalo thaj berza e lilenđi. Forošći lilarvarni ando Novi Sad gatisarda barvalo programo pale čhavorra savenđe kamel te pašunisarel o lil thaj te buhljaren đinavimašće sikadimata, thaj therda detot molipe pala čhavorra save den ande lilarvarni pale vrjama kozom trajil Čhavrrikano kurko.