Čhib, kultura thaj tradicija

Dramsko artisto Boško Petrov mohtodimasa sikada o ćoidpe čhavrrikane poezijako pe dasikano, rromano thaj anglikani čhib “Domaćinski gost/O dosto ćheresko/ Homli guest“ thaj poema „Crno bela sreća/E bah kalo parni/Black white happiness“ katar Maja Familić. Pala lilaripe thaj laći poezija svato dine dosturja, prof. dr Jovan Ljuštanović thaj prof. dr Zoran Đerić, save si vi recezenturja liparde lilengo.

 

Po teljaripe svato lija šefo Kabinetosko šerutne manušesko Novosadosko Aleksandar Petrović thaj šerutno pe Forošći lilarvarno ando Novi Sad Dragan Kojić. O Petrović majanglal dija gođi po importantnipe lošanimasko katar Maškarthemutno đes e Rromengo thaj bahtarda sa e manušenđe kale populacijako kava đes inkalimasa kaj pale Rroma či trubun te delpes svato samo kana si lengo đes, no kontinuirime, 365 đesa ando brš, bi ačhadimasa: “Foro Novi Sad godova vi ćerel“.

 

Ando paćape kaj e lilarni Maja Familić araćhela piro maripe, inćarimava čerainengo ande jakha thaj bare thana ande đilja, save si vorta magija katar sînga thaj ašunipe e publika bahtardala bare aplauzova. Talo gatisaripe godole manifestacijaće kotoresko, e lilarni pire poetikane kotora dija sar dipe dostonenđe, lesamalimava ramosarda e posvete ažužarimva te lava ulaven pire gîndimata talo lengo đinavipe.