MAJIMPORTANTNO SI TE ARAKHADON E ČHAVORRA DŽIKAJ BEŠEN ANDE SIKAVNE SINIJE
0
Vakti: 1 min.
Foto: Kancelarija za inkluziju Roma
E čhavorra katar angluno džiko štarto klaso džana ande sikavni anglal ismeri. Klasuja saven si majbut katar 15 sikamne uladona ande duj kupe. Avela len majbut džike štar časuja po 30 minutuja, baro hodinipe avela len 15 minutuja. Palem godova blok časo, šlavipe e sikavne thanesko, thaj po klaso palemismeri aresen e sikamne katar o pandžto džiko ohtoto klaso, mothodino si po paluno bešipe ando Ministerijumo palo sićope.
Rodimata sikade kaj 22 procentuja e familijengo našti te therel te vareko lel sama e čhavorren, pale godova o Ministerijumo anda čhinadipe te majterrne čhavoora džan ande sikavne thana trujal sa mere palo arakhipe. Dav paćiv kale čhinadimašće katar o Ministerijumo, numaj gndiv kaj trubul te therrenpe sa mere palo arakhipe ande sikavne thana, te avilo džiko bikontrolikano buhljaripe e nasvalimasko maškar e čhavorra, savorra avasa ande phari situacija.
O šerutno po agor maj jekh data inkalda kaj sa musaj te avas responsabilne. Vi e familije vi e bućarrne ando sićope. Katar e čhavorra šaj te rodas lačhi kooperacija te lačhe sikavasle, a sastarrno sistemo musaj te ažutil.