Ekskluzivno: I porodica tari cikni Mia taro Vrbasi oglasindjape

“Manga samo te irinamen ko normalno životo”

Dilabavni Seka Aleksić, em o glumcura Stevan Piale em Amar Mesić, ispratinde ki cikni matura e Mija taro Vrbasi, a laćhi pričomata vazdija sasti Srbija ko prne.

E pričomata pale late na stisinel, a o kadrovja tari cikni matura si jek tare najšeruvime ando posledja djivesa ki društvene mreže.

Amari preporuka

Akana, kana sa naklo, žako Telegraf ekskluzivno oglasindjape i lakeri porodica Vladisavljević. Sa članovja, a majbut i mija dirnume tari reakcija napindžarde manuša, kula si ko pravo način razuminde soske si araklepe ando javnost.

Sar vakerd amnđe zahvalinenpe za sa ko ule olenca, a zako Seka, Stevano am Amara nanelen svatura.

- Ulo but šukar. O fokuso trubul te čhivelpe ko kala manuša. I samo šaj te but hvalile. Ki Seka kasnidja o leto 6-7 vaktija, ali i oj alji nana phendja te našti. A o Stevano te o Amar, save čhave - počnide te keren svato.

- O osmeho tari amari čaj sasa neprocenjivo, a akava ostao , te amen još nešto phena…. Samo manga te irinamen kotar normalno životo. Nana ulji namera te uvredina nekaskere čhaven, nego magljam te amare čhave, em aver čhavenge pokazina te nane si on kokore ko akava sveto i te nemalen nikasa - poručindja i porodica Vladisavljević.

I o glumco Stevano Piale podelindja žako Telegraf.rs o utiskura tare Mijino matura.

- Pedzardjam e porodica I em ciknja. Oj amenge ulepsindja o divea I amn lake isto. Aciljem ando kontakto. –phendja o popularno glumco.

Te podsetina tumen sar počnidja kana jek korisnica taro tvitero objavindja I priča tari čhaj kuja trpinol o nasilje taro lakera vršnjakurja ando OŠ ,,Petar Petrović Njegoš’’ ando Vrbas. I Seka prvo javindjape, a onda usledinde još me bare reakcije taro aver javna ličnostja kula si isto javljuvindepe, andi želja te pomognin za ki čhaj.

O vrsnjakura ande bakarno žica andi škola sar bi e čhaja ismeavinen, adalseke soj Romnji, aludirinen ko stereotipo, pošto e Roma sakupljinen o bakro. Lakero dad vozinel kamioni pali Evropa, a i daj isila cvećara. Niko na maglja te džal olaja ki matura,.a sare ćutinde. Akava si o načino kaj o naselje podrzavinel pe – navedinđa i čhaj kuja objavindja i objava.

Odma javindjape i Seka Aleksić, o košarkaši Vladimir Štimac , glumcura Ammar Mesić thaj o Stevano Piale.

O dad tari čhaj o Vladimir Vladisavljević ispricindja so sa doživindja lengeri čhaj.

Trajindja thaj šon divesa, taro oktobri prošlo bers i sa adava godolese ke si romani čhaj. Čestitinde lake o rođendano ko ,,Dan Roma” sa e čhave taro razredja, sem jek čhajori, prestaninde te pričinen laja – phendja zako RTS.