„NISAR NA TE AČHES, KAJ UVEK SI VRJAMA THAJ THAN KANA E PLIMA ARRLILAPE“
0
Vakti: 1 min.
O Miloš Stojanović alavarrdo si palo nevo koordinatori pale rromane pučhimata ande opština Bela Crkva, ando novembri nakhle bršesko thaj pešće bućava del pherrdo ažutipe rromane themesko, kamimava te so majbut čhavorra avel čhutino ando sićimasko sistemo thaj sa themutne tokuja ande lokalno ćidipe.
Foto: Kancelarija za inkluziju Roma
Barilem ando sistemo palo socijalno araćhipe thaj semas ando Domo pale čhavorra thaj terrne „Vera Radivojević“ ande Bela Crkva. Kana dem gata maškarutni sikavni ande Bela Crkva, ramosarrdem studije pale ekonomija ando Beogrado, trujal o ažutipe e projektosko pale socijalno inkluzija e čhavorrenđi bi familijaće araćhimasko talo alav „Generacija palo avutnipe“, trujal o ažutipe e Themešće Parlamentosko Republikako Srbijako thaj „Vojvodinaće lovarnjako“.
Pale kaja harrni vrjama ćerrdam dosta. Areslam te theras 47 stipendija katar o Gavermento AP Vojvodinako, pale Rroma, katar godova 44 maškarutne thaj 3 stipendije palo fakulteto, a kazom džanav, kava si majbaro đindo e stipendistonengo dži akana. Naisarrdemasman e Gavermentošće AP Vojvodinaće thaj opštinaće Bela Crkva po čikat e šerutnjava pe opština Violetaće Simić pe lačhi kooperacija thaj dino paćape.
Sasman nekobor online maladimata e majbut rromane ćidimatenca, pe save mapirisarrdam rromane care thaj dijam svato palo ramosaripe e čhavorrengo ando angluno klaso. Kamipe si amaro te e čhavorra čhos ando sićimasko sistemo, te theren pešće akharimata, trujal save malavena bući thaj therena pala peste egzistencija.