RAMOME UGOVORJA E STIPENDIJENGO PALA RROMANE STUDENTU
0
Vakti: 1 min.
Ando kamipe te lundžarrdol o procesu palo araćhipe, inćaripe thaj buhljaripe rromane čhibjako e Kancelarija pale inkluzija e Rromenđi thaj Matica rromani ando 2009. brš poteljarrdine e inicijativa palo putaripe studijaće programosko pale anglalsikavne pe rromani čhib.
Foto: Kancelarija za inkluziju Roma
Dićhimava e faktosko kaj si ćeripe vučesikavne kadronengo pale rromani čhib jekh katar fundosko importantipe palo araćhipe e identitetosko rromane themesko pe kala thana e Kancelarija pale inkluzija e Rromenđi ande pesko programo čhuta lovengo ažutipe e studentonenđe pe kava programo. E Kancelarija del stipendije ando inćaripe, sar vi aver ažutimašće dićhimata rromane studentonenđe.
Kava sikavno 2022/2023 brš e Kancelarija pale inkluzija e Rromenđe stipendiril 11 studentonen, po studijako programo palo te den ando klaso thaj te sikaven e rroman čhib, numaj palem si amen majdur pharipe maškar o rromano them save či pindžaren importantipe te arakhadol e rromani čhib džikaj sićos. Ačhel amenđe but bući po gndimasko buhljaripe kaj si but importantno te inćarrdol thaj arakhadol e kultura thaj čhib kaj bi godolesko či avelame“, inkalda e profesorka Marija Aleksandrović.