MILOŠ NIKOLIĆ: MEMBRO FOROŠĆE KONSILESKO PALO SIĆOPE THAJ KULTURA ANDO FORO SUBOTICA
0
Vakti: 2 min.
Sar manuš savo sasto pesko trajo ćerel e čhavorrenđe sikavimava, e čačimava šaj te mothav kaj si o resurso akharrdo “vučo sikavno manuš”, khate mothas palo Rrom, majimportantno resurso thaj godova si amenđe vudar palo majlačho trajo.
Foto: Aleksandar Nedeljković
Pale godova ketane mungrre kolegonenca, save lačhe ćeren ande kaja institucija majbut katar 12 brš, ćerdem ulado bućarrno plano thaj programo e Kancelarijako pale inkluzija e Rromenđi ande savo ačhel te sar džanas musaj te edukujis so majbut Rroma thaj Rromnja thaj te sigo kana den gata o sićope, malavas adekvatno bući.
Kana si ando pučhipe e kultura, ulade strategijava čhinadam ažutipe pala averčhande kulturno - istori - jaće manifestacije, save si but importantne palo araćhipe barvale kult urakorro - mane nacionalne minoritetosko ande Srbija.
Maladilem ande mungrri butbršenđi karijera aktivizmosko, soldato pale rromane orrte thaj po agor, sar šerutno pe Kancelarija pale inkluzija e Rromenđi, si o bućaripe. Ande vrjama savi avel musaj savorra te ćeras po nakhavipe kale ćijaće pharimasko. Kale đesa o šerutno Republikako Srbijako o Aleksandro Vučić mothoda kaj trubul majbur Rr oma ando raštrako aparato, savengo šerutno kamipe avela nakkhavipe e merengo thaj
bućengo savo avela sikado po bućaripe e Rromengo thaj Rromnjengo, bi godolesko ko so dija gata katar o sićope.
Godova si pozitivne arrlimata, katar fundosko importantipe pale sa Rroma ande Srbija,
numaj vi pale sasto koletiviteto. Či tromas te bistras, kaj but godolestar si dži lende. Rromano them kamel te ćerel. But amendar ćeren majphare thaj majcrra poćinde buća.
E Rroma musaj, majanglal, te den sa pestar. Kana o them dićhel kaj den sa tumendar, varesko ažutila tumen. Musajipe sa e Rromengo te bičjalen e čhavorren ande sikavni, bi godolesko kaj najle pribori jal lačho furjavipe sar e narromane čhavorra, numaj trubul te avel uredno thaj tena avel melali. Te o čhavorro avela sajekh šes ande sikavnim e sikavni ažutila e čhavorrešće. Godova si jekhutno drom te avas majdikhlini ande kava ćidipe thaj te las than ande leste savo si dakanara pala amende.
Majbahtalo sem kana dikhav rezultatuja nesave terrne Rromesko, mungrre kolegengo thaj mungrre rezultatuja, atoska džanav kaj si vorrta kova so ćerav ande paluni decencija.