Kerdilo dujto konferencia "Sfide thaj areslipa e sikavne asistentenge"

Paraštuj 23-to avgusto, ande lokalura katar Nacionalno Konsilo Rromane Nacionalno Minoritetosko ando Beograd, ikerdili konferencija katar Nacionalno Asociacija pedagogikane asistentura (NAPA) akhardi “Sfide thaj areslipa pedagogikane asistentura” ande lokalura katar o Nacionalno Konsilo katar o Romano Nacionalno Minoriteto ando Beograd, ande šajipe te gatisarel pes maj mišto pala o avutno śkolaqo berś.

 

Anglal korkoro i konferencia, ikergjape butjarno khedipe kote so pedagogikane asistentija diskutirinena o ciljora thaj butjakere planija e asocijacijake, o alosaribe e organengo, sar vi avutne aktivitetura thaj lačharipe e komunikacijako thaj koordinacijako maškar e membrura.

 

I konferenca putarda o prezidento Nacionalno Konsilosko Rromano Nacionalno Minoritetosko, Dalibor Nakić, savo ande piro vakeripe akcentirisardas ključno rola e pedagogikane asistenturengi ando edukaciako proceso thaj akcentirisardas kaj o Konsilo, ande relacia pala pire kapacitetura thaj legalne zorasa, ka del sajekh suporto kadale asociàciaqe.

 

I Snežana Vuković, šerutni katar o departamento pala manušikane thaj minoriteturenge hakaja katar o Ministeriumo pala edukacia, sar vi e Sofija Osmanović, reprezentanto katar o Ministeriumo pala manušikane thaj minoriteturenge hakaja thaj socialo dialogo, sikavde suporto pala e buti katar e Nacionalno Asocijacija pedagogikane asistentura, savo vakerdas ko angluno kotor e konferencijako.

 

O Božidar Jovanović, reprezentanto katar i Asociacia, thaj o Vladimir Šainović, prezidento katar o Komiteto pala Edukacia katar o Nacionalno Konsilo katar o Romano Nacionalno Minoriteto, vakerde pala e rola thaj importanca e asociaciaki ande edukacia, sar vi pala e aktivitetura save avena.

 

Paše buteder sikavne asistentura, ki konferencija avile vi reprezentantura taro Romano Edukacijako Fondo, Stajno Konferencija taro Foro thaj Komuna, Ekumensko Humanitarno Organizacija, Asocijacija taro Sastipaskere Medijatoria, Asocijacija taro Terne Volonterja, Ofiso baši Romengi Inkluzija, sar vi e medijake reprezentantura.

 

A.N.