Dujto milajesko škola pe rromani čhib ando Divčibare sas sukcesutno agorisardi

Ando Divčibari duje kurkesko Milajesko Skola pe romani chib agorisardilo sukcesno, savi sas kerdini vash profesionalno treningo thaj zuralipe e kompetenciengo e sikavnenge pe romani chib.

 

Kadava evenimento, organizuime katar o Fakulteto pala Sikavneski Edukacija, o Nacionalno Konsilo katar o Romano Nacionalno Minoriteto thaj katar e Asociacija katar e Rromane Xramosarne, andas khetane sikavnen, pedagogon thaj eksperton ande čhib thaj kultura. O ciljo e školako na sine numa te lačharel pe čhibjakere džanlipa numa thaj te zurarel pe kulturako identiteto thaj pripadnost maškar o Roma ki Srbija.

 

O profesori Dr. Hristo Kyučukov taro Univerziteti Katowice vakergja o vasnipe te arakhel pe i romani čhib, savi si anglal o riziko taro hasaripe.

 

“UNESCO thovda e romani chib ki lista taro čhibja save si ande hasaripe, so amenge nane lačhe nevimata. Gasave khedipa si vitalno vash te zurarelpe amaro identiteto thaj te arakhelpe e chib”, phendas o Kyuchukov.

 

Alisa Šajin, viceprezidentka taro Nacionalno Romano Konsilo akcentirinela kaj i romani čhib trubul te vakerel pe sako dive, sar ko familije thaj ko publikane thana.

 

„Jekhto drom te arakhas i rromani ćhib si te labăras la sajekh. E shkole si but importantno, numa i romani chib trubul te ovel prezento vi ano sakodiveseskoro jivdipe”, vakergya o Šajin.

 

I Jelena Jovanović, but beršengi pokrajinaki deputatka, akcentirisarda o importantno sikljovipe e rromane čhibjako ande familije thaj ande škole, akharindoj e momentura kana voj astarda te kerel buti pe lako garavipe maj but katar duj decenije angleder.

 

“Te šaj te arakhas adekvatno amari dajaki čhib trubul te aktivirina sa amare koordinatora, asistentura thaj mediatora.” Von si sakodives e Romenca po than thaj von majšukar džanen save trubujimata si lenge, thaj trubujipe te arakhel pes i čhib si bari”, agorisarda o Jovanović.

 

I Eldena Stanić sikavni rromani čhib thaj sikavni asistentka an i Profesionalno Śkòla vaś e sikavne anθ-o Vršac sikavdăs e kljućne ćàsură save si anglal i rromani komunitèta, specialo thovindoj akcento pal-o bi-laćho thaj profesionalo personalo.

 

"Bibahtake, amen nane amen dosta profesionalno personali te kera buti amare qhavorenca." Kodo trubul te paruvel pes sigo. Letnaske škole sar akaja si baro drom angleder, soske akate šaj te trenirina sikavne save ka keren buti suksesno e čhavencar, numa thaj e dadencar, save si vi amenge but importantno ano akava procesi”, akcentirinela o Stanić.

 

I Maja Jovanović sikavni rromani ćhib anθ-i fundoni śkòla "Vuk Karadžić" anθ-i Deronje luvudisarda kadale berśesqi milajni śkòla, dikhindoj la vi maj but suksesoski sar i maj anglal.

 

 

“Akaja duy kurkeski shkola khedingya baro gendo sikavnengo, thay me sem but bahtalo kay shay te ulavav miro dzanipe thay eksperienca e kolegencar”,vakergya o Jovanović.

 

O konkluzija kadale milajeske školake šaj te summirinel pes ande trubujipe pala sajekh zumavipe te arakhel pes thaj te vazdel pes e rromani čhib. Sa e participantura si pe jekh gindo kaj trubun te keren pes intenzivno e ​​aktivitetura te šaj te motivirinen pes vi e sikavne thaj e daden thaj e čhaven te sikljon i rromani čhib, vi ande škole thaj vi ande sakodiveseskoro dživdipe. E milajeski shkola ando Divčibari sikadas ke si shajipe te lel pe pasura angle, ferik ke vi kodo ke profesorura, sikavne thaj romane aktivistura inke si but buchi te keren te shaj avel jekh shukar avutnipe pe kadi barvali thaj diverzitetoski chib.

 

A.N.