AGORIMAŠĆI KONFERENCIJA PO PROJEKTO – PHERRDIMASKO AŽUTIPE E ČHAVORRENĐE ANDO SIĆOPE SAR ANDIPE
0
Vakti: 1 min.
Inkluzija e Rromenđi ande kooperacija e Ekumenikane humanitarne organizacijava – EHO, nakhada o projekto palo pherrdimasko ažutipe ando sićope e čhavorrengo andar e socijalne dukhavne familije.
Foto: A.N.
Pale godova, inćarrdi si agorimašći konferencija pale manuša kale projektosko ande pe savi sas e šerutni pe Kancelarije pale inkluzija, ministerka pale manušikane thaj minoritane orrte thaj themesko svato, save jekhimava vi putarrda e konferencija, thaj projektno koordinatorka EHO, e Slađana Jovanović.
Kaja nevi socijalno – sićimašći bući, vi paše godova kaj si humanitarne karakterosko, palo kamipe sila promocija neve bućako sar te ćerelpe e čhavorrenca andar haćarrne kupe, trujal e Srbija. Astarrde ando projekto kaleja sikade pešće pharimata thaj izazovuja savenca maladile trujal e projektosko nakkhavipe, numaj sikade vi aresle rezultatuja.
E Rromenđi thaj EHO dži akana ažutisarrde e fundošće sikavne ande opštine: Raška, Žabalj thaj Smederevsko Palanka. Vi paše godova kaj si kava projekto lačhe nakhado, e buća palo ažutipe nakhadona vi ando dujto opaš e bršesko trujal o projekto „Socijalno inkluzija e Rromenđi thaj aver haćarrde kupengo ande Srbija 2019-2024“.
O.V.