SVEČANO PUTARIPE E SALONOSKO PALO ŠUKARIPE „ELENA WONDERLAND”
0
Vakti: 1 min.
Trin terrne rromnja, Alisa Đurić, Kristina Plavci thaj Nurhan Toplica, bare entuzijazmova dine ando proceso palo putaripe pešće bućako, trujal o ažutimasko program čhutino po bućaripe e Rromengo thaj Rromnjengo ande Republika Srbija
Foto: A-N.
E Kancelarija pale inkluzija e Rromenđi thaj Ćidipe rromane studentonengo ćerrdine svečano putaripe e salonosko palo šukaripe Elena Wonderland.
Programo Njamcicke buhljarimašće kooperacijako “Inkluzija e Rromenđi thaj aver marginalizujime kupengo ande Srbija“ ande kooperacija e Ministerijumova pale manušikane thaj minoritane orrte thaj themesko svato, e Rromenđe thaj Rromnjenđe numaj vi aver marginalizujime kupenđe, del direktno ažutipe ando bućaripe trujal averčhande dićhimata strukaće sikavimatengo thaj pherrdipe e džanglimasko, ažutipe ando teljaripe pešće bućako, sar vi aver mentorsko ažutipe save den partnernenđe ćidimata po tereno.
Palem nakhado strukako sikavipe nakhadi si strukaći praksa ande frizeronenđe salonuja, a palem godova e organizacija HELP dijale grantuja palo alato thaj oprema. Kana putarrde e firma thaj thanesko lačharipe o ažutipe ando repromaterijali dijalen e ADRA Srbija, humanitarno ćidipe savo del ažutipe pale preduzetnice trujal o repro materijali thaj but importantno ažutipe ando proceso palo teljaripe thaj inćaripe pešće bućako.
O programo ande kooperacija e Maškarimova palo sikavipe ande profesionalne thaj bućarrne džanglima katar 2024. brš nakhavelas nekobor sikavimata pale profiluja frizeri, manikiri, pedikiri, menadžeri građevinske mašinengo thaj zavarivači. Kala strukaće sikavimata 2021. bršesko dija gata 44 korisniko.
Kava projekto idealno sikavel kaj trujal lačhi kooperacija thaj koordinacija trajimašće uslugonengo save si phangle palo vazdipe e preduzetnikonengo, trujal sajekhvrjamako ažutipe, šaj te nakhavel lačhe astarrdimata ande kava domeno thaj aktiviripe majdukhavne kupengo thaj manuša andar o rromano ćidipe.
O.V.