INĆARDAPE O SIKAVIPE LILESKO „RROMOLOGIJA”

Pindžardo manuš pale orte Rromenđi thaj Rromnjenđi, lilvarno manuš, savo sas jek katar majdžangle manuša palo rromano dumutnipe, kultura the čhib. Kava lil sikavel o fundo tho buhljaripe rromolo- gijako sar gođaverimašće kotoresko, e kultura, identiteto, dumutnipe ( ande savo si po vučo than čhutino o holokausto Rromengo), e gramatika the standardizacija rromane čhibjako.

 

 

Maj anglal ćerdine svato prof.dr Milivoj Alanović, prodekano pale akreditacija po Filozofsko fakulteto, Ljiljana Mihajlović, šerutni pe Kancelarija pale inkluzija Rromenđi the Dragana Arijas, šerutni po Ćidipe palo socijalno buhljaripe thaj ciknjaripe čorrmasko Vladaći Republikaći Srbijaći.

 

Prof.dr Milivoj Alanović mothoda kaj o lil savo ramosarda o Rajko Đurić si barimasko andar godova kaj del amen gođi kazom si importantno o rodipe thaj arakhadipe se kotorengo ande save sikavelpe e rromani kultura, čhib tho lilaripe thaj kaj paćal kaj sigo irisarelape e tradicija te e Rromologija sićolpe po Filozofsko fakulteto.

 

Sar mothoda e Ljiljana Mihajlović, šerutni pe Kancelarija pale inkluzija Rromenđi, e rromologija si ramome sar pale rromano gajda vi pale aver ćidimata thaj but si importantno pale kola save aven thaj save gajda šaj te majbut sićon pale rromani čhib, kultura thaj tradicija thaj te pindžaren o rromano indentiteto.

Ađes ande 68 fundošće sikavne ande Srbija sićolpe “Rromani čhib e kotorenca katar e nacionalno kultura”, a Vuči sikavni ando Vršco si jekhutni ando sasto regiono, pe savi sićolpe e rromani čhib.

 

- Pale standardizacija sa jek čhibjaći si but importantne na numaj e sikavne institucije, sar vi kola savenđi bući si e čhib sar si e medije, bućarne ande krisi thaj kola save nakhaven pe aver čhib”, mothoda po krajo kale programesko e Aleksandrović.

 

O.V.