VAZDEN TUMARO GOĐAVERIPE, O DŽANGLIPE POĆINELPE
0
Vakti: 1 min.
Bijandilem ando Novi Sad, kaj vi teljardem ande fundošći sikavni. Mungro dad, dej, maj terno phral thaj me trajisardam ando Novi Sad.
Foto: A.N.
O dad korkoro ćerelas bući thaj vov sas godova savo therelas gadići love kazom trubulas amen te šaj mišto trajisaras. 1988. brš o dad ačhilo bi bućako atoskal musaj te bićindam amaro ćher thaj te džas te trajisaras ando gav.
E lovenca kataro bićindo ćher mungrre ćidndine ćher ando gav Turija, a jek kotor lovengo čhutine ando arlipe e drzenca. Ande Turija agorisardem e fundošći sikavni e gindimava kaj majdur džava te avav rašaj.
Šaj phenelpe kaj arakhlem drrom sar te ćerav bući po kalo, te avav lačhe poćindo thaj te gajda me šaj majdur sićijav. Se vrjama sas manđe godova anglal jakha a či dikhlem. But drrom lavas te ćerav so rodenas katar mande vi katar aver fakultetujra, a kana vareso či džanavas godova thradelas man te majdur sićijav, te rodav sar godova te ćerav a gajda zujraravas vi man.
Pe mande sas te losarav so ćerava, dal ačhava jal marava man majdur. Sa jek drrom si šaipe pale sa. Pe amende si te dikhas thaj te rodas jal arakahasa drrom jal či arakhasa. Kana semas pe studije ćeravas but buća, ćerdem bući pe trafika, arakhavas e građevine, thovavas e vordona, đilabavas, ćeravas bući ande dućanujra a vi bićinavas o kirbi.
Thaj sa jek drrom dikhlem šaipe te sićijav vareso nevo. Katar 2018. brš ćerav bući ande studentonenđe ćidimata thaj NGO kotor (REF, VRCD, URS, CESID, MSK, ERRC, GIZ) a gajda paše studije therav džanglipe sar volonteri, edukatori, sikavno, menadžeri pe projektujra.
O.V.