ANGLUNI RROMNJI SAR KONSILARRNI PALO SPORTO, TERRNE THAJ SOCIJALNO POLITIKA
0
Vakti: 2 min.
Pešće bućava, terrne rromnja save si čhutine ande themešće – politikane buća but drom sikade kaj si e phare bućava thaj bare kamimava šaj te nakhadon majbare pharimata rromane themesko.
Foto: Kancelarija za inkluziju Roma
Sar mothol o rodipe katar e ćherutne thaj maškarthemutne ćidimata, majbare pharimata savenca maladon e Rromnja si harrno sićope, manušikano jekhipe thaj bari diskriminacija ande familija thaj them. Kale džungalimata, savenca o rromano them maladol e dešbršutnimava palal, jekhutno si šajipe te nakhkadol trujal ketane ćerimava e terrne, sićome Rromenjengo.
But si importantno te e Rromnja aven ando themutno ćidipe pešće ćidimasko trujal direktno čhutipe ando bivladako sektori, palitikane partije jal trujal nesavo aver drom. Si Rromnja save aresle te theren pesko jekhipe, majanglal ande pešći familija thaj ando sasto rromano them, maškar save sem vi me.
Kamavas te sićov thaj te godoleja lav aktivno čhutipe ando andipe e čhinadimasko sar me dijemas mungrro ažutipe ande integracija rromane themesko, majbut Rromnjengo. Dem gata pe vrjama o Fakulteto palo menadžmento ande Sremske Karlovce thaj therrdem sićimasko akharipe diplomirime menadžero ande medije.
O diplomsko lil ćerrdem andar o importantipe e relacijako e themeja palo vazdipe e reputacijako rromane themesko. Kola save pindžarenma mothona kaj sem ambiciozno thaj kaj sem baro soldato, numaj thaj kan džanav kaj džiko lačho rezultato šaj areselpe samo bućava thaj bare mućimava.
Ćerdape pe godova te mungrri bući avel fundome pe konkretne buća save anen majlačho thaj kvalitetno trajo. Socijalno arakhipe musaj te avel putarrdo pale sajekh manuš thaj kupe, bi diskriminacijako thaj favorizacija. Seriozno programo savo si dino amenđe si fundome po timosko bući thaj savorren si amen po gndo kaj si amaro kamipe te ćeras lokalno thagaripe savo si udžile e forutnenđe, savo ande jekh vrjama avela efikasno thaj či avela kuč.
Uladi griža dav palo bućaripe e themešći kujna, gndimava kaj si godova responsabilno socijalno politika thaj amari griža pale kola bešutne ande Sremske Karlovce save naj ando šajipe te theren fundošće uslovuja palo trajo. Lundžarasa vi majdur e ulade haćarimava te das majzuralo ažutipe kolenđe kašće si po trubulipe.
O.V.