Koordinatorja pale rromane pučhimata: Lenđe bućhimata si but importante pala sasti zajednica
0
Vakti: 1 min.
Projektošće buća sas andar trin kotora. Nakhavipe e info-đesesko pale mere katar aktivno thaj pasivno bućarrni politika ande gava thaj forošće ćherengo pe save sas čhutine prekal 180 Rroma thaj Rromnja, džikaj si anketirime 134 manuša.
Foto: Kancelarija za inkluziju Roma
Interesime kamimašće manuša nakhline edukacija pale bući andar e poljoprivreda, inćaripe grine thanengo, birtuja thaj habe, sastrune thaj građevinsko strukako, inćaripe e šukarimasko thaj truposko thaj ćerimata ande socijalno ažutipe - kola save pravaren thaj ažutipe ando ćher – geron – toćherutne.
Ulado si 66 sertifikatuja, pale 56 manuša pale godova kaj e manuša nakhline e edukacija po duj jal majbut buća, ande savo dićhen majlačho šajipe palo bućaripe. Dujto kotor e bućango sas ćeripe rontale sinijengo kolenca save bućaren pe tema potencijalosko palo bućaripe e Rromengo thaj Rromnjengo thaj benefito katar godova, korkorro godoleja therrdino si than palo nakhavipe e praksako ko bućarrno thaj areslino si dićhipe ando potencijali thaj bućarrno kapaciteto.
Bućarrne ćidimata projektošće timosko e manušenca andar o Nacionalno ćher palo bućaripe palo ćeripe e lilesko katar pindžarrde bućarimatarja - potencijalne kooperantuja pe implementacija projektošće bućengo. Sar agorimasko kotor e projektosko si vi lačharrdo thaj pherrdino than pale nevo fundosarime khuvdipe ketane kooperacijako ramosarimava e lilesko palo čhinadipe katar 24 akterja (Institucije, lokalne bućarimatarja, BVĆ).
E khuvdipe si palo kamipe te majlačharel o kotor palo vazdipe e kooperacijako maška kova savo bućarel thaj institucije thaj vazdipe e komunikacijako e rromane themeja, sar ažutipe lenđe sićimasko thaj bućarimasko. Nekobor Rroma thaj Rromnja bućarrde si pe harne vrjamaće buća, a pe kale edukacije therrdine nevo džanglipe thaj bućarrno sićope.
Dži akana si bućarrdo pandž manuša a ketane kooperacijava ažućarrdol te godova đindo avel majbaro. Vazdino si o đindo katar kvalifikaciono struktura thaj čhutipe pe evidencija Nacionalne ćheresko palo bućaripe prekal projektujime 10%. Akana nakhavas o projekto talo alav “Ažutipe socijalne inkluzijaće ando Vršco”, pale savo dija love e Njamcicko buhljarimašći kooperacija thaj Giz-o. Dži akana si bućarrdo 10 gerontoćherutne thaj 5 bravarja thaj zavarivača, ande vrjama katar 6 čhon - inkalda e Marija Ališanović.
O.V.