Čhib si ćija palo rodimasko sićope e istorijako thaj kulturako e Rromengo
0
Vakti: 1 min.
Paše rromani čhib, palo rodimasko sićope e istorijako thaj kulturako kale themesko, bari rola si vi e čhibja aver themesko, ulade kolengo prekal savenđi phuv naćhenas, jal pe lende vi lenca trajinas ande lengo butvekonengo dromaripe katar e Indija džiko akanutno bešipe.
Foto: Kancelarija za inkluziju Roma
Rromani čhib si jekhutno “lil” savi kava them anda pesa andar e dejaći phuv Indija thaj arakhada dži ađes. Rromani čhib thaj lenđe dijalektuja familija si e čhibjava save den svato e Darde thaj Kafistranuja, sar vi e čhibjenca katar e manuša Hidukuša ande Indija.
Rromani čhib si kolektivno gođi thaj sikavipe pala lengo themesko gndipe, numaj vi korkorro pes. Lenđi čhib si, mothon but romologuja “inventari materijalne thaj ođaće kulturako”, savjava varekana sas phangle, a ande jekh vrjama sila elementuja e kulturako aver themesko, savenca sas ando azbape trujal lenđi lungo seoba.
Te mothas kaj si baro averčhandipe ande stavuja pale vrjama, a godoleja pale istorija ke Rroma thaj gadže. E Rroma sar avile ande maškarvekovno Evropa sas avrjaluno them. Či inkalenas ni teritorijalno kamipe thaj najsasle oorta pale buća save si phangle pala lende. Somajbut, hasarrde vi e gođi pale pesko “dejako ćher”.
A.N.