THEMEŠĆE IDENTITETOSKO SAR NACIONALNO ELEMENTO
0
Vakti: 1 min.
Ande rromani kultura vuče si sikado kaj si o fakto palo manušesko trajo ando alav “te aves” a na ando alav “te aveltu”, a korkorro trajo e Rromengo sikada “kaj bi raštrako thaj thanesko šaj te inćarrdon korkorrimasko barvalipe, čhib thaj kultura, bi godolesko ande savi phuv maladile”.
Foto: Kancelarija za inkluziju Roma
Sa dži ađes e Rroma arakhade nekobor kulturaće elementuja save čače sikaven pala lengo etnikano korkorripe ando kotor materijalne thaj ođaće kulturako, čhutimava majanglal, paćape, običaja, sićope, norme, kris, čhib thaj simboluja, mothol o Rajko Đurić, saveja ando pherrdipe gndis gajda.
Sa simboluja e Rromengo šaj te klasifikujinpe pe: simboluja ketane ciknako thaj simboluja save naj ketane ciknako, numaj si line katar aver them sar kaj si, horahaja thaj hrišćanuja, jal thema averčhande phuvjengo, savenđi simbolika ćerrda impakto ande majbari jal majcinorri mera pe simbolika nesave rromane ćidimatengo.
Uhlik Rade, ande DasikanoKroacijako-Rromano alavari mothol: “E Rroma thaj lenđi čhib si vareso ulade, vareso so hutel katar aver thema thaj čhibja. Sajekh manuš savo pindžarel fundo lenđe čhibjako, therela čačuni pilta pala lende. O Rrom si naturako, normalno manuš. Vov našel katar kova so ačhavel les thaj del gođi pe varesave pharimata.
Sar mothol o paćape ke Rroma, Urme, jal Suđaje sikaven čhefal baht avela e manušes ando angluno kurkođe katar o bijandipe. E Urme majlačhe dićhen po čhavorro ande žoja jal kurko, ulade kana inkljel o kham. E čhavorra bijande ando marci jal paraštune therena džiko agor e trajosko bibahtalipe thaj čorrpe. E čhavorra bijande ande tatrađi avena but barvače, numaj či merena ande naturako meripe.
O.V.