Bućimata kotar ćidipe CEREZ thaj kotar paluno brš savo avel
0
Vakti: 1 min.
Kava brš o Maškaripe palo sićope e Rromengo nakhavel nekobor projektuja savo ažutisarrde averčhande ministerijumuja, sar kaj si o Ministerijumo pale kultura thaj Ministerijumo pale raštrako orrtuipe thaj lokalno korkorroortuipe.
Foto: Milena Đorđević
Godova vi projektuja save ćerrdam palo ćidipe OEBS, a akana nakhavas o projekto e Fondacijava palo putarrdo pučhipe thaj Fondova palo sićope e Rromengo (REF). But buća si ačhade pale kaja situacija, numaj kamlemas te avas ando šajipe te džiko agor kale bršesko sa projektuja lačhe nakhavas, sar kaj si ando plano.
Šerutne nakhavas o sikavipe thaj sićope rromane sikamnengo. Ando 2016, 17 thaj 18. brš nakhadam o projekto “Čhutipe e Rromane čhibjako e elementonenca rromane nacionalne kulturako ande fundošće sikavne thana ande Srbija” savo ažutisarrda e Delegacija Evropaće unijako.
Rezultato si kaj therrdam 50 sikavne rromane čhibjako thaj kaj si angluno drom ande Evropa ćerrdine e sikavne lila palo angluno sićimasko ciskluso save o Ministerijumo palo sićope čhuta kala lila ando oficijalno Katalogo sikavne lilengo.
O ERIAC sar nevi fundosarrdi institucija palo vast e Evropaće Konsilosko thaj Fondacijako palo putarrdo ćidipe, savi ćerel e artistikanimova thaj e kulturava ande vrjama savi avel, avela čhinadimašći rola thaj impakto ando nakhavipe but programonengo savo dićhela ande averčh ando, mothodemas objektivno dićhipe, amari astorija, ulade e tema palo genocido opral e Rroma ande Dujto themesko maripe, kultura, adetuja, čhib thaj tradicija.
O.V.